ROSO 04
Maganu Ayeti?
Mannu ooso hundinni kayisse addi addi maganna magansidhanni keeshshitino. Ikkollana, Qullaawu Maxaafi “wole maganna baalantenni roore jawa ikkinohu” mittu Magani noota kulanno. (2 Duduwo 2:5) Hakku Magani ayeti? Qoleno kuni Magani wole maganna baalanta roorannohu mayinniiti? Konni rosira, Maganu isi daafira maa afattora hasiꞌrannoro rosatto.
1. Maganu suꞌmi ayeti? Maganu suꞌmasi anfammora hasiꞌrannota mayinni anfeemmo?
Maganu Qullaawu Maxaafi giddo ayimmasi kulinonke. Isi togo yiino: “Ani Yihowaati. Suꞌmiꞌyano konneeti.” (Isayaasi 42:5, 8, NW) Batinye xiinxallaano yitanno garinni, “Yihowa” yine tirroonnihu Ibiraawootu qaali, “Ikkanno Gede Assanno” yitanno tiro afiꞌrino. Yihowa suꞌmasi anfammora hasiꞌranno. (Fulo 3:15) Tenne mayinni anfeemmo? Isi suꞌmasi Qullaawu Maxaafi giddo 7,000 saꞌꞌanno bayicho borreessinanni gede assino! a Yihowa “iima gordoho, uulla baattote” halaalaanchu Magani suꞌmaati.—Marro 4:39.
2. Qullaawu Maxaafi Yihowa daafira maa kulannonke?
Qullaawu Maxaafi, mannu ooso magansidhanno maganna baalante giddo halaalaanchu Magani Yihowa calla ikkinota kulanno. Hiitto? Hatto yineemmo gede assannonkehu batinyu coyi no. Yihowate geeshshi roorre afiꞌrinohu dino; hakko daafira “baattote aana Woꞌmunkura Aliidihu” iso callaati. (Faarso 83:18 nabbawi.) Isi ‘Woꞌmanka Dandaannoho’; hatto yaa, assara hedinore baalankare assa dandaanno yaate. Isi “baalanka” yaano kalqete alameno ikko uullate aana heeshsho afiꞌrinore woꞌmankare ‘kalaqinoho.’ (Yohaannisi Ajuuja 4:8, 11) Qoleno, hanafono gawalono noosikkihu Yihowa callaati.—Faarso 90:2.
LEDDE XIINXALLI
Maganunnihu suusu suꞌminna baxxino suꞌmisi mereero noo badooshshe ledde rosi. Hakkiinni, isi suꞌmasi ninkera kulinonkehu hiittoonniitironna mayiraatiro rosatto.
3. Maganoho batinyu suusu suꞌmi noosiha ikkirono, suꞌmisi mittoholla
Suusu suꞌminna suꞌmu mereero noo badooshshe afate, VIIDIYO laꞌe; hakkiinni aante noo xaꞌmo hasaabbe.
-
“Mooticha” yinannihu suusu suꞌminna suꞌmu mereero noo badooshshi maati?
Qullaawu Maxaafi mannu batinye magannanna mootoolla magansiꞌrannota kulanno. Faarso 136:1-3 nabbabbe; hakkiinni aante noo xaꞌmo hasaabbe:
-
‘Maganna baalanta roorino Maganinna’ ‘mootoollate Mootichi’ ayeti?
4. Yihowa suꞌmasi afattoranna woshshattora hasiꞌranno
Yihowa suꞌmasi afattora hasiꞌrannota leellishannori maati? VIIDIYO laꞌe; hakkiinni aante noo xaꞌmuwa hasaabbe.
-
Yihowa suꞌmasi anfammora hasiꞌrannoha lawannohe? Hatto yoottohu mayiraati?
Yihowa mannu suꞌmasi woshshara hasiꞌranno. Roomu Sokka 10:13 (NW) nabbabbe; b hakkiinni aante noo xaꞌmuwa hasaabbe:
-
Yihowa yinanniha Maganu suꞌma woshsha lowo geeshsha hasiissannota ikkitinohu mayiraati?
-
Mittu manchi suꞌmakki qaage suꞌmikkinni woshshihero mayi macciishshamannohe?
-
Yihowara suꞌmasi woshshatto woyite mayi macciishshamannosiha lawannohe?
5. Yihowa jaalasi ikkattora hasiꞌranno
Kamboodiyaho heedhannoti Soteni yinanni mancho, Maganu suꞌma afase lowo geeshsha hagiirsiissinoseta coyidhino. VIIDIYO laꞌe; hakkiinni aante noo xaꞌmo hasaabbe.
-
Viidiyote giddo laꞌnummonte gede, Soteni Maganu suꞌma afase kaaꞌlitinosehu hiittoonniiti?
Roore anga, mittu manchira jaala ikkineemmohu balanxe suꞌmasi anfummorooti. Yaiqoobi 4:8a nabbabbe; hakkiinni aante noo xaꞌmuwa hasaabbe:
-
Yihowa maa assattora koyisinohe?
-
Maganu suꞌma afakkinna suꞌmasi woshshakki isiwa shiqatto gede kaaꞌlitannohehu hiittoonniiti?
MITU MANNI TOGO YAANNO: “Maganu mittoho; hakko daafira, baxitto suꞌminni woshshittosirono qarru dino.”
-
Maganu suꞌmi Yihowa ikkinota ammanatto?
-
Maganu suꞌmasi woshshinammora hasiꞌrannota mannaho kula dandaattohu hiittoonniiti?
XAPHISHSHA
Yihowa mittu halaalaanchu Magani suꞌmaati. Isi jaallasi ikka dandiineemmo gede suꞌmasi anfammoranna woshshinammora hasiꞌranno.
Kageeshsha Rosoottore
-
Yihowa mannu magansiꞌrannote wole maganna baalantenni baxxannohu mayinniiti?
-
Maganu suꞌma woshsha hasiissannonkehu mayiraati?
-
Yihowa jaalasi ikkattora hasiꞌrannota leellishannori maati?
EGENNO LEXXI
Maganu noota leellishshannota onte ammansiissanno taje xiinxalli.
Maganu woꞌmanka woyite nooha ikkinota ammana garaho yineemmohu mayiraatiro nabbawi.
“Magano Kalaqinohu Ayeti?” (Agarooshshu Shae, Woxawaajje 1, 2014)
Hundi waro Maganu suꞌma woshshinanni gara xa anfoonnikkiha ikkirono, Maganu suꞌma woshsha hasiissannonkehu mayiraatiro rosi.
Magano banxummo suꞌminni woshshinummorono qarru dino? Maganoho mittu suꞌmi callu noosi yineemmohu mayiraatiro huwati.
a Maganu suꞌmi afiꞌrino tironna mite Qullaawu Maxaafi tiro giddo kuni suꞌmi hooginohu mayiraatiro ledde afate, Maganu Qaale Xiinxalli yitanno borro giddo “Maganu Suꞌma Ibiraawootu Afiite Qullaawa Borro Giddo” yaannoha nabbawi.
b Roomu Sokka 10:13 (NW): “Yihowa suꞌma woshshannohu baalu gatanno.”
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
