ROSO 39
Maganu Mundeete Daafira Mayino?
Mundee heeshshote lowo geeshsha hasiisanno coyeeti. Ise nookkiha heeꞌra dandaanno manchi dino. Maganu Kalaqaanchonke ikkino daafira, mundee ma garinni horoonsiꞌra hasiissannonkero kulannonkehu isooti. Isi mundeete daafira mayino? Mundee ita woy nigu widoonni adha hasiissanno? Tennera gara ikkinore doodha dandaattohu hiittoonniiti?
1. Yihowa mundeete daafira mayino?
Yihowa hundi waro heedhino soqqamaasinesira, “Kalaqamu baalu lubbo [heeshsho] mundeete giddo no” yiino. (Leewaawoota 17:14) Yihowa illera, mundee heeshsho riqibbanno. Heeshsho Maganu uyinonkete qullaawa eltooti; hakko daafira, mundeeno qullaawate.
2. Maganu mundee ma assitinoonte yiino?
Kiristaanu songo xintantara albaanni, Yihowa soqqamaasinesi mundee ittannokki gede hajajino. (Kalaqama 9:4 nna Leewaawoota 17:10 nabbawi.) Kiristaanu songo xintantu gedensaannino, Yihowa tenne hajajo lede coyiꞌrino. Hattee yannara, aliidi bisi Kiristaana “mundeeno agginoonte [“mundeetewiinni xeertidhe,” NW]” yee hajajino.—Soqqamaasinete Looso 15:28, 29 nabbawi.
Mundeetewiinni xeertiꞌrate yaa mayyaate? Akime aguwiinni xeertiꞌri yituhero, ago agattokkiti egennantinote. Kayinni ago worroonni sagale itatto? Woy ago mundeete nigi widoonni adhatto? Hatto assattokkiti dihuluullissannote. Hatteente gede, Maganu mundeetewiinni xeertidhe yaasi, mundee agginoonte woy mundee fultinokki maala ittinoonte yaasiiti. Qoleno mundee worroonni sagaleno ita dihasiissannonke yaate.
Mundee xaginaateho horoonsiꞌra dandiinanniyya? Mite xaginsanni ogimma Maganu seeri ledo sumuu yitannokkiti egennantinote. Lawishshaho, woꞌma mundee woy qara qara mundeete beehache yaano duume mundeete seele, waajjo mundeete seele, pileetileetenna pilaazima xaginaateho horoonsiꞌra Maganu seeri ledo sumuu diyitanno. Mite xaginsanni ogimma kayinni Maganu seeri ledo sumuu yitannokkiteronna teꞌee bade kula shota ikka hooggara dandiitanno. Lawishshaho, mito woyite xaginsannihu qaru qaru mundeete beehachinni haaꞌnoonniha shiimmaadda mundeete beehache horoonsiꞌneeti. Mito woyite kayinni xaginsannihu manchunnita umisi mundee horoonsiꞌneeti. Tenne hajo daafira heeshshi gotti assine hende, ninke mittu mittunku uminke doorsha doodha hasiissannonke. a—Galatiyu Sokka 6:5.
LEDDE XIINXALLI
Ma garinni xaginsihero woyyannoro doodha dandaatto gara rosi.
3. Xagisiꞌratto woyite Yihowa hagiirsiisannore doodhi
Xagisiꞌratto woyite Yihowa hedo ledo sumuu yaannore doodha dandaattohu hiittoonniiti? VIIDIYO laꞌe; hakkiinni, aanchine kulloonnire assa hasiissannota ikkitinohu mayiraatiro hasaabbe.
-
Hayyo aannohe gede Yihowa huucciꞌri.—Yaiqoobi 1:5.
-
Qullaawu Maxaafiha xintu seera xiinxalli; hattono loosu aana hosiisa dandaatto gara hiinci.—Lawishsha 13:16.
-
Heeꞌratto qooxeessira manna hiittee hiittee ogimma horoonsiꞌne xaginsanniro afate woꞌnaali.
-
Xaginsanni ogimma giddo ati adhattokkiri hiikkuriitiro badde afi.
-
Doodhatto doorshi tiiakki guuqannokkiha ikko.—Soqqamaasinete Looso 24:16. b
-
Meessi tiiꞌꞌinni doodhinanni hajo daafira aye manchino wole agurina galtekki, songote cimeessi, woy Qullaawu Maxaafi rosiisaanchikki nafa konne doodhi yaa hasiissannosikkita huwati.—Roomu Sokka 14:12.
-
Doodhoottore borreessite wodhi.
4. Yihowa Farciꞌraasine woyyitino xagga afiꞌra hasidhanno
Maganu mundeete daafira uyino seera agadhine heeꞌnenni mundee nookkiha danchu garinni xagisiꞌra dandiinanni. VIIDIYO laꞌe.
Tiito 3:2 nabbabbe; hakkiinni aante noo xaꞌmo hasaabbe:
-
Akimootu ledo hasaambeemmo woyite, ayewoteno ayirrinyunninna joongillunni coyiꞌra hasiissannonkehu mayiraati?
|
Adha Hasiissannonkekkire |
Mittu Mittunku Doodhannore |
|---|---|
|
A. Mundeete pilaazima |
Pilaazimu beehache |
|
B. Waajjo mundeete seele |
Waajjo mundeete seele beehache |
|
C. Pileetileete |
Pileetileetete beehache |
|
D. Duume mundeete seele |
Duume mundeete seele beehache |
5. Shiimmaadda mundeete beehache xaginaateho horoonsiꞌra
Mundee shoole qara qara beehache afidhino; insano: duume mundeete seele, waajjo mundeete seele, pileetileetetenna pilaazimaho. Kuri qaru qaru mundeete beehachinni wole shiimmaadda mundeete beehache fushsha dandiinanni. c Mito shiimmaadda mundeete beehache dhibba gargartannonna bisu mundaannota hooltanno xagga loosate horoonsiꞌnanni.
Shiimmaadda mundeete beehache lainohunni, mittu mittunku Kiristaanchi Qullaawu Maxaafinni qajeelino tiiasi horoonsiꞌre umisi doorsha doodha hasiissannosi. Mitootu shiimmaadda mundeete beehache horoonsiꞌne xaginsanninsata gibbara dandiitanno. Mitootaho kayinni shiimmaadda mundeete beehache adhitanno gede tiiꞌꞌinsa fajjansara dandaanno.
Tenne hajo daafira doodhatto woyite aante noo xaꞌmuwa hedi:
-
Mito shiimmaadda mundeete beehache adheemmohu woy adheemmokkihu mayiraati? Tenne akimete xawise kula dandeemmohu hiittoonniiti?
MITU MANNI TOGO YEE XAꞌMARA DANDAANNO: “Dhiwaminohura mundee uyine lubbo gatinsiro mayi qarri no?”
-
Ati mayite qolatto?
XAPHISHSHA
Yihowa mundee doogimale horoonsiꞌneemmokki gede hajajinonke.
Kageeshsha Rosoottore
-
Mundee Yihowa albaanni qullaawa ikkitinohu mayiraati?
-
Maganu mundeetewiinni xeertidhe yee uyino hajajo, mundee nigu widoonni adhano hooltannote yineemmohu mayiraati?
-
Mundee xaginaateho horoonsiꞌra lainohunni gara ikkinore doodha dandaattohu hiittoonniiti?
EGENNO LEXXI
Meessi mundee horoonsiꞌne xaginsanni ogimma adhattoronna teꞌee doodhatto woyite maa heda hasiissannohe?
“Nabbawaano Xaꞌmitanno Xaꞌmo” (Agarooshshu Shae, Birra 15, 2000)
Shiimmaadda mundeete beehache adhattoronna teꞌee doodhatto woyite maa heda hasiissannohe?
“Nabbawaano Xaꞌmitanno Xaꞌmo” (Agarooshshu Shae, Ella 15, 2004)
Mittu akimichi Yihowara mundeete noosi lao gara ikkitinota ammananno gede assinosiri maati?
“Maganoho Mundeete Noosi Lao Gara Ikkitinota Ammanummo” (Baqqi Yiiyye!, Sadaasa 8, 2003)
Hospitaalete Ledo Xaadissanno Komite miilla ikkite soqqantanno cimeeyye roduuwa kaaꞌlitanno gara rosi.
b “Shiimmaadda Mundeete Beehache Xaginaateho Horoonsiꞌra” yitannota 5ki naxiwenna “Mundee Horoonsiꞌne Xaginsanni Ogimma” yaannoha Guwuursha 3 lai.
c Mitu akimooti, shoole qara qara mundeete beehache shiimmaaddu mundeete beehachi gede assite laꞌanno. Konni daafira, woꞌma mundeeno ikko duume mundeete seele, waajjo mundeete seele, pileetileetenna pilaazima adhattokkita xawisse kula hasiissannoheha ikkara dandaanno.
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
