ROSO 42
Qullaawu Maxaafi Adhammikki Heeꞌratenna Adhamate Daafira Mayyaanno?
Mitu budira, mittu manchi seenne adha hoogiro woy meyati mine assiꞌra hoogguro, hagiirre diafidhanno yine hendanni. Ikkollana, adhaminohu baalu hagiirraamoho yaa woy adhaminokkihu baalu dadillaamoho yaa diꞌꞌikkino. Isinni Qullaawu Maxaafi adhammikki heeꞌrano adhamano Yihowa elto ikkitinota kulanno.
1. Adhammikkinni heeꞌniro afiꞌnanniti mite horo hiitteeti?
Qullaawu Maxaafi togo yaanno: “Adhannohu dancha coye assino; adha hooginohuno roore dancha assino.” (1 Qorontoosi 7:32, 33, 38 nabbawi.) Adhaminokki manchi ‘roore dancha assannohu’ hiittoonniiti? Adhaminokki Kiristaani galte towaaxxa dihasiissannonsa. Hakko daafira, xaphoomunni insara roore injo noonsa. Lawishshu gedera, mitootu soqqanshonsa halashshiꞌrate addi coye assa lawishshaho wole qooxeessa hadhe dancha duduwo kula dandiitino. Roorenkanni, insa Yihowawa shiqate roore yanna afidhanno.
2. Seeru garinni adhammiro afiꞌnanniti mite horo hiitteeti?
Adhammikki heeꞌrate gede, adhamano baxxitino kaaꞌlo afidhino. Qullaawu Maxaafi “Mitto calla ikkantenni lame ikka woyyitanno” yaanno. (Rosiisaancho 4:9) Hakko iso Qullaawu Maxaafiha xintu seera harunsanno minaanninna minaama tini halaale ikkitinota uminsa heeshshonni laꞌꞌanno. Seeru garinni adhamanno minaanninna minaama, mimmito woꞌmanka woyite baxate, ayirrisatenna towaatate qaale eanno. Hakko daafira insa, mimmitoho qaale eikkinni mulla mitteenni heeꞌranno manninni roore teese heeꞌranno. Oosonsano teesse heedhanno.
3. Yihowara adhatenna adhamate daafira mayi lao noosi?
Yihowa umo adhanna adhama xinti woyite togo yiino: “Mannu annasinna amasi agure, galtesi ledo mitto ikkanno.” (Kalaqama 2:24) Yihowa, minaanninna minaama lubbote noo yanna geeshsha mimmito baxaranna mitteenni heeꞌrara hasiꞌranno. Isi adhama diinganni gede fajjinohu minaanni woy minaama soorriro callaati. Togoo yannara, Yihowa baddalamino minaanni woy minaama adhamansa diigannoronna teꞌee uminsa doodhanno gede qoosso uyinonsa. a (Maatewoosi 19:9) Yihowa Kiristaanu mitte galte sae adhara difajjino.—1 Ximootewoosi 3:2.
LEDDE XIINXALLI
Mine kalaqiꞌroottoha ikkittorono ikkano hoogittoro, hagiirraamo ikkanna Yihowa hagiirsiisa dandaatto gara rosi.
4. Adhamittokki nootto yanna seekkite horoonsiꞌri
Yesuusi adhammikki heeꞌra eltote yiino. (Maatewoosi 19:11, 12) Maatewoosi 4:23 nabbabbe; hakkiinni aante noo xaꞌmo hasaabbe:
-
Yesuusi adhama hoogasinni afiꞌrino injo Annisira soqqamatenna woloota kaaꞌlate horoonsiꞌrinohu hiittoonniiti?
Adhaminokki Kiristaani, adhama hoogansanni afiꞌrino injo Yesuusi gede danchu garinni horoonsiꞌre hagiidha dandaanno. VIIDIYO laꞌe; hakkiinni, aante noo xaꞌmo hasaabbe.
-
Adhaminokki Kiristaani heeshshonsa hiittee kaajja soqqanshora horoonsiꞌra dandaanno?
Ati tenne afootto?
Qullaawu Maxaafi meu dirihu heeꞌne adhama hasiissannoro bade dikulanno. Ikkollana, wedellootu “gikki yita geeshsha” yaano siimu xaadooshshi hasatto wolqisse, coye heeshshi gotti asse heda hooltannonsa yanna saꞌa geeshsha keeshsha hasiissannonsata kulanno.—1 Qorontoosi 7:36, NW.
5. Galte hayyotenni doodhi
Galte doodha shaaꞌꞌa coye diꞌꞌikkitino. Maatewoosi 19:4-6, 9 nabbabbe; hakkiinni tenne xaꞌmo hasaabbe:
-
Mittu Kiristaanchi adhate muddama hasiissannosikkihu mayiraati?
Qullaawu Maxaafi dancha galteeti yinanniti hiittoo akati noosetero afate kaaꞌlannohe. Roorenkanni, Yihowa baxxanno galte doodhi. b Umi Qorontoosi 7:39 nna 2 Qorontoosi 6:14 nabbabbe. Hakkiinni, aante noo xaꞌmuwa hasaabbe:
-
Mittu Kiristaanchi ammanate roduuwisi mereerinni calla adha hasiissannosihu mayiraati?
-
Yihowara iso baxannokkihu ledo adhammummoro mayi macciishshamannosiha lawannohe?
Lame lowo geeshsha babbaxxitino saada mitteenni waanxiro, lamunku gawajjamanno. Hatteente gede, ammantinokkite ledo adhamanno Kiristaanchono lowo qarri amadannosi
6. Adhanna adhama Yihowa laꞌꞌanno garinni lai
Hundi Israeele waro, mitu labballi uminsa hasatto wonshiꞌrate yite adhama diigganno. Milkiyaasi 2:13, 14, 16 nabbabbe; hakkiinni tenne xaꞌmo hasaabbe:
-
Yihowa adhama doogimale diingannita giwannohu mayiraati?
Soorronna adhama diiga beebbaataame galtenna qaaqquulle lowo geeshsha gawajjitanno
VIIDIYO laꞌe; hakkiinni, aante noo xaꞌmo hasaabbe.
-
Yihowa baxxannokkite ledo adhamoottoha ikkiro, adhamaꞌne hagiirru noota ikkitanno gede maa assa dandaatto?
7. Yihowa adhantinorira fushshino seera agadhi
Mittu manchi Yihowa adhamino mannira fushshino seera agadhate lowo geeshsha sharrama hasiissannosiha ikkara dandaanno. c Ikkirono Yihowa tenne assitannore maassiꞌranno. VIIDIYO laꞌe.
Ibiraawoota 13:4 nabbabbe; hakkiinni aante noo xaꞌmuwa hasaabbe:
-
Yihowa adhamino mannira fushshino seeri agadha dandiinanniha lawannohe? Mayira?
Batinye gobbara gashshootu adhammanni woyitenna adhama diinganni woyite borreessammara hasiꞌranno daafira, Yihowano Kiristaanu hatto assara hasiꞌranno. Tiito 3:1 nabbabbe; hakkiinni tenne xaꞌmo hasaabbe:
-
Seenne adhoottoha ikkiro, adhamakki gashshootunniwa borreessiisiꞌrootto?
MITU MANNI TOGO YEE XAꞌMARA DANDAANNO: “Adhamaꞌya gashshootunniwa mare borreessiisiꞌra hasiissannoehu mayiraati?”
-
Ati tennera mayite qolatto?
XAPHISHSHA
Adhammikkinni heeꞌrano adhamano Yihowa eltooti. Adhaminohuno ikko adhaminokki manni Yihowa fajjo ledo sumuu yaanno garinni heeꞌrannoha ikkiro, hagiirraamma ikka dandaanno.
Kageeshsha Rosoottore
-
Mittu manchi adhama hoogasinni afiꞌrino injo seekke horoonsiꞌra dandaannohu hiittoonniiti?
-
Qullaawu Maxaafi ammanate roduuwi mereerinni calla adhe yaannohu mayiraati?
-
Qullaawu Maxaafi kulanno garinni, adhama diiga dandiinannihu mayi maikkiro callaati?
EGENNO LEXXI
‘Ammaninohu’ ledo calla adhamate yaa mayyaate?
“Nabbawaano Xaꞌmitanno Xaꞌmo” (Agarooshshu Shae, Maaja 1, 2004)
Adhamate hende mitteenni yanna sayisatenna adhamate daafira danchare doodhatto gede kaaꞌlitannoheta lame harancho viidiyo lai.
Mittu rodii agurino coyinni Yihowa uyinosiri lowo geeshsha roorannota ammananno gede assinosiri maatiro kulanna macciishshi.
Mittu manchi adhama diigate woy babbaxxe heeꞌrate kaꞌꞌara albaanni heda hasiissannosihu mitu coyi maati?
“Maganu Qixxeessinota Adhanna Adhama Ayirrisse” (Agarooshshu Shae, Sadaasa 2018)
a Lamunku giddo mittu soorrikkinni babbaxxe heeꞌrate daafira ledde afate, Guwuursha 4 lai.
b Mitu budira, oosote galte doortannori annahonna amate. Hatto ikkiro, baxillaanchu anninna ama, galte ikkara hendoonni manchi jiro woy dagoomu giddo noosi ayirrinye laꞌꞌantenni, Yihowa baxannoha ikkasinna hoogasi heda hasiissannonsa.
c Meyate ledo adhamittokkinni mitteenni heedhanni noottoha ikkiro, ise galtekki assiꞌrano agurano doodhattohu ateeti.
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
