ROSO 51
Coyiꞌratto Coyinni Yihowa Hagiirsiisa Dandaattohu Hiittoonniiti?
Yihowa kalaqinke woyite, dhagge ikkitanno elto yaano coyiꞌrate dandoo uyinonke. Tenne elto horoonsiꞌneemmo gari iso hagiirsiisara woy dadillisara dandaanno? Ee dandaanno! (Yaiqoobi 1:26 nabbawi.) Hatto ikkiro, coyiꞌrate dandoonke Yihowa hagiirsiisanno garinni horoonsiꞌra dandiineemmohu hiittoonniiti?
1. Yihowa elto ikkitinota coyiꞌrate dandoonke danchu garinni horoonsiꞌra dandiineemmohu hiittoonniiti?
Qullaawu Maxaafi “Mimmitoꞌne jawaachishshenna dhaabbe” yee amaalannonke. (1 Teselonqe 5:11) Jawaante hasiisse noonsa manna qaagatto? Insa jawaachisha dandaattohu hiittoonniiti? Insa daafira hedattota kulinsa. Naadatto akatansa woy assitinore danchare kulattonsara dandaatto. Mitto afootto mancho jawaachishara dandaanno qummeeshsha qaagatto? Doora dandaattohu batinyu qummeeshshi no. Qoleno coyiꞌratto gari mitto mancho lowo geeshsha jawaachishara dandaannota deꞌooti. Hakko daafira, woꞌmanka woyite shaqqillunni coyiꞌrate woꞌnaali.—Lawishsha 15:1.
2. Hiittoo coye coyiꞌra dihasiissannonke?
Qullaawu Maxaafi, “Afiiꞌnenni bushu coyi fuloonke” yaanno. (Efesooni Sokka 4:29 nabbawi.) Hatto yaa, bushanna manna xissiisannoha kaajjado qaale coyiꞌra dihasiissannonke yaate. Qoleno hemenna mannu suꞌma huna qoropha hasiissannonke.—Lawishsha 16:28 nabbawi.
3. Woloota kianno garinni coyiꞌneemmo gede kaaꞌlannonkeri maati?
Duucha woyite, coyiꞌneemmo coyi wodaninke giddo noori woy surrenkera woꞌminori maatiro leellishanno. (Luqaasi 6:45) Konni daafira keeraancho, qullaawa, banxannirenna naandanni coye heda rosiisiꞌra hasiissannonke. (Filiphisiyusi Sokka 4:8) Surrenke tenne coyibba illachishshanno gede assiꞌrate, boohaarshanna jaalla hayyotenni doodha hasiissannonke. (Lawishsha 13:20) Coyiꞌnammora albaanni seekkine hedankeno kaaꞌlitannonke. Coyiꞌratto coyi manna kaaꞌlara woy gawajjara dandaannohu hiittoonniitiro hedi. Qullaawu Maxaafi, “Dayi gede coyiꞌnanni coyi manna urdete gede qasanno; egennaamu arrawi kayinni hursanno” yaanno.—Lawishsha 12:18.
LEDDE XIINXALLI
Yihowa hagiirsiisannorenna manna jawaachishannore coyiꞌra dandaatto gara rosi.
4. Coyiꞌratto coye eemadhi
Ninke baalunku gaabbineemmore coyiꞌneemmo woyiti no. (Yaiqoobi 3:2) Galatiyu Sokka 5:22, 23 nabbabbe; hakkiinni tenne xaꞌmuwa hasaabbe:
-
Coyiꞌratto coye eemadha dandaatto gede, kuri akatta giddo hiikkuri heedhahera huuccatto assiꞌra dandaatto? Kuri akatta kaaꞌlitahera dandiitannohu ma garinniiti?
Umi Qorontoosi 15:33 nabbabbe; hakkiinni tenne xaꞌmo hasaabbe:
-
Doodhatto jaallanna boohaarshi, coyiꞌratto gara seekkara woy hunara dandaannohu hiittoonniiti?
Coyiꞌratto gara seekkara woy hunara dandaannori maati?
Rosiisaancho 3:1, 7 nabbabbe; hakkiinni tenne xaꞌmo hasaabbe:
-
Sammi yaa woy maltino yanna agadhine coyiꞌra dancha ikkitannohu hiittoo woyiteeti?
5. Wolu manni daafira dancha danchare coyiꞌri
Manna xissiisannore woy bushare coyiꞌra qoropha dandiineemmohu hiittoonniiti? VIIDIYO laꞌe; hakkiinni aante noo xaꞌmuwa hasaabbe.
-
Viidiyote giddo, roduu wolootu daafira coyiꞌrannore woyyeessiꞌra hasiꞌrinohu mayiraati?
-
Isi coyiꞌranno gara woyyeessiꞌrate maa assino?
Rosiisaancho 7:16 nabbabbe; hakkiinni tenne xaꞌmo hasaabbe:
-
Wolu manni daafira bushare coyiꞌnammora hendeemmo woyite, maa qaaga hasiissannonke?
Rosiisaancho 7:21, 22 nabbabbe; hakkiinni tenne xaꞌmo hasaabbe:
-
Kuni qummeeshshi, mannu ate daafira gara ikkinokkire coyiꞌranno woyite hanqattokki gede kaaꞌlannohehu hiittoonniiti?
6. Miniꞌne manna shaqqillunni coyishiishi
Yihowa mininke manna baxillunninna shaqqillunni hasaawinsammora hasiꞌranno. VIIDIYO laꞌe; hakkiinni aante noo xaꞌmo hasaabbe.
-
Maatekki shaqqillunni hasaawisatto gede kaaꞌlannoheri maati?
Efesooni Sokka 4:31, 32 nabbabbe; hakkiinni tenne xaꞌmo hasaabbe:
-
Maatenke dhaawate, ma garinni coyiꞌra hasiissannonke?
Yihowa Beettosi Yesuusa baxannota xawise coyiꞌrino. Maatewoosi 17:5 nabbabbe; hakkiinni tenne xaꞌmo hasaabbe:
-
Minikki manni ledo hasaawatto woyite, Yihowa lawishsha harunsa dandaattohu hiittoonniiti?
Woloota galatatto faro hasiꞌri
MITU MANNI TOGO YAANNO: “Ani hedoommore dimaaxiꞌreemmo. Mannu coyiꞌreemmore baxirono baxano hoogiro, hatti uminsa hajaati.”
-
Hatto yaa gara labbannohe? Mayira?
XAPHISHSHA
Coyiꞌneemmo coyi manna kaaꞌlara woy gawajjara dandaanno. Hakko daafira mayine coyiꞌneemmoro, mamoote coyiꞌneemmoronna hiittoonni coyiꞌneemmoro seekkine heda hasiissannonke.
Kageeshsha Rosoottore
-
Coyiꞌratto coyinni woloota kaaꞌla dandaattoti mite doogga hiikkuriiti?
-
Hiittoo coye coyiꞌra qoropha hasiissannonke?
-
Woꞌmanka woyite shaqqillunninna kianno garinni coyiꞌneemmo gede mayi kaaꞌlankera dandaanno?
EGENNO LEXXI
Woloota jawaachishannore coyiꞌneemmo gede mayi kaaꞌlankera dandaanno?
Bushare coyiꞌrattokki gede kaaꞌlannoheri maatiro rosi.
“Xonama Hakkeeshshi Geeshsha Busha Coyeeti?” (Webisayitenkera fultino borro)
Heme qoropha dandaattohu hiittoonniitiro wodanchi.
Yihowa mitto mancho xonama aguranno gede kaaꞌlinosihu hiittoonniitiro nabbawi.
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
