ROSO 60
Ayyaanaamittetenni Lopha Agurtooti
Tenne Qullaawu Maxaafi xiinxallonni Yihowa daafira lowore rosootto. Rosoottori Yihowa lubbora baxatto gede assinohe daafira, heeshshokki Yihowara sayisse oottohanna cuuamoottoha ikkara dandaanno. Xaara hatto assoottokkiha ikkiro, muli yannara tenne assate heddanni noottoha ikkara dandaanno. Kayinni cuuamittohu gedensaannino ayyaanaamittetenni lopha diaguratto. Hegere geeshsha albinni roore Yihowawa shiqqanni haꞌra dandaatto. Hiittoonni?
1. Yihowa ledo noohe jaalooma kaajjishiꞌra agura hasiissannohekkihu mayiraati?
Woꞌmanka woyite Yihowa ledo noonke jaalooma kaajjishiꞌrate sharrama hasiissannonke. Mayira? “Heeshshote Maganiwiinni [badamme]” baꞌneemmokki gedeeti. (Ibiraawoota 3:12) Yihowara ammanamme soqqammanni heeꞌneemmo gede kaaꞌlannonkeri maati? Sabbakate looso diinaggaambe loosanna Yihowara albinni roore soqqammeemmo doogga hasiꞌra dandiineemmo. (Filiphisiyusi Sokka 3:16 nabbawi.) Yihowara soqqammanni heeꞌrate geeshsha ikkannori mitturino dino!—Faarso 84:10.
2. Woꞌmanka woyite assa hasiissannohehu wolu coyi maati?
Xa Qullaawu Maxaafi xiinxallokki gudattora kaoottoha ikkirono, Kiristinnu heeshshokki kayinni uurritannota diꞌꞌikkitino. Qullaawu Maxaafi “Haaro mannimma uddidhe” yee amaalannonke. (Efesooni Sokka 4:23, 24) Maganu Qaale xiinxallittonna songote gambooshshe haꞌritto kiiro, Yihowanna akattasi daafira haaro coye rosatto. Heeshshokki giddo albinni roore Yihowa akatta leellisha dandaatto doogga hasiꞌri. Yihowa hagiirsiisate biddi assiꞌra hasiissannohere biddi assiꞌra agurtooti.
3. Yihowa ayyaanaamittetenni lophatto gede kaaꞌlannohehu hiittoonniiti?
Qullaawu Maxaafi, “[Maganu] irkisannoꞌne; kaajjishannoꞌne; teesiisannoꞌne” yaanno. (1 Pheexiroosi 5:10) Ninke baalunkura fonqolo ikkannori tuncu yaannonke. Ikkirono Yihowa fonqolo qeele saꞌꞌate hasiisannonkere aannonke. (Faarso 139:23, 24) Isi ammanante soqqamattosi gede, hasattono wolqano aahera qaale eino.—Filiphisiyusi Sokka 2:13 nabbawi.
LEDDE XIINXALLI
Ayyaanaamittetenni albinni roore lopha dandaatto garanna Yihowa maassiꞌrannohehu hiittoonniitiro rosi.
4. Muli Jaalikki ledo woꞌmanka woyite hasaawi
Huuccattonna Qullaawu Maxaafi xiinxallo Yihowa jaala ikkatto gede kaaꞌlitinohe. Kuri coyibba xaano isiwa albinni roore shiqatto gede kaaꞌlitannohehu hiittoonniiti?
Faarso 62:8 nabbabbe; hakkiinni tenne xaꞌmo hasaabbe:
-
Yihowa ledo noohe jaalooma kaajjishiꞌrate, huuccattotenni giddokkita isira hasaapha dandaattohu hiittoonniiti?
Faarso 119:97 nabbabbe; hakkiinni tenne xaꞌmo hasaabbe:
-
Yihowa ledo noohe jaalooma kaajjishiꞌrate, Qullaawu Maxaafi niwaawekki woyyeessiꞌra dandaattohu hiittoonniiti?
Hojju xiinxallokkinni roore horo afiꞌrate maa assa dandaatto? Mite kaaꞌlitanno hedo afiꞌrate, VIIDIYO laꞌe; hakkiinni aante noo xaꞌmuwa hasaabbe.
-
Viidiyote giddo kulloonni coyibba giddo hiikkoye assa dandaatto?
-
Ati mayi daafira xiinxalla hasiꞌratto?
5. Ayyaanaamittete mixo fushshiꞌri
Yihowara soqqamate mixo fushshiꞌrakki, ayyaanaamittetenni lopha agurattokki gede kaaꞌlitannohe. VIIDIYO laꞌe; hakkiinni aante noo xaꞌmo hasaabbe.
-
Viidiyote giddo, Kaamerooni ayyaanaamittete mixo fushshiꞌrase kaaꞌlitinosehu hiittoonniiti?
Baalunku Kiristaani wole gobba haꞌre sabbaka dandaanno yaa diꞌꞌikkino. Ikkollana ninke baalunku wonshiꞌra dandiineemmo mixo fushshiꞌra dandiineemmo. Lawishsha 21:5 nabbabbe; hakkiinni, hiittoo mixo fushshiꞌra dandaattoro hasaabbe:
-
songote giddo
-
qanchu soqqanshora
Konni qummeeshshira noohu xintu seeri mixokki wonshiꞌratto gede kaaꞌlannohehu hiittoonniiti?
Mite fushshiꞌra dandaatto mixo
-
Huuccattokki gara woyyeessiꞌri.
-
Qullaawa Maxaafa nabbabbe gudi.
-
Songoꞌne giddo noori baalunku roduuwi ledo egennami.
-
Mannaho Qullaawa Maxaafa xiinxallisi.
-
Kaaꞌlaancho suwisaancho woy woꞌma yanna suwisaancho ikkite soqqami.
-
Ati labbaa rodootiro, songote soqqamaancho ikkate sharrami.
6. Hegerera hagiidhitanni heeꞌra dandaatto!
Faarso 22:26; 37:11, 29 nabbabbe; hakkiinni tenne xaꞌmo hasaabbe:
-
Xaano ikko hegerera hagiidhitanni heeꞌrate maa assa dandaatto?
XAPHISHSHA
Yihowa ledo noohe jaalooma kaajjishiꞌranna ayyaanaamittete mixo fushshiꞌra agurtooti. Hatto assittoro, hegerera hagiidhitanni heeꞌra dandaatto!
Kageeshsha Rosoottore
-
Yihowa ammanante soqqamattosi gede kaaꞌlannoheta addaxxa dandaattohu mayiraati?
-
Yihowa ledo noohe jaalooma kaajjishiꞌra dandaattohu hiittoonniiti?
-
Mixo fushshiꞌrakki ayyaanaamittetenni lophatto gede kaaꞌlitahera dandiitannohu hiittoonniiti?
EGENNO LEXXI
Yihowa albaanni roore waaga afidhinoti mitte hinge dhagge ikkannoha ammanate looso loosatenso, heeshshonke diro woꞌma isira ammanamme heeꞌrate?
Yihowara ammanante soqqantannorira nafa hagiirrinsa baꞌꞌara dandaanno. Wirro hagiirraamma ikka dandiinanni gara wodanchi.
Xiinxallotenninna Hiincatenni Galagalle Hagiirraamma Ikka (5:25)
Ayyaanaamittete mixo fushshiꞌranna wonshiꞌra dandaattohu hiittoonniiti?
“Kalaqaanchikki Ayirranno Gede Ayyaanaamittete Mixo Fushshiꞌri” (Agarooshshu Shae, Maaja 15, 2004)
Ayyaanaamittetenni gikki yaa lowo geeshsha hasiissannota ikkitinohu mayiraati? Ayyaanaamittetenni gikki yaa dandaattohu hiittoonniiti?
“‘Jawu Mootichu Barri Gambisino’ Daafira Gikki Yiiyye” (Agarooshshu Shae, Onkoleessa 15, 2009)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
