ROSO 14
Magano Hagiirsiissanno Ammaꞌno
Sai rosira ronsummonte gede, Magano hagiirsiissannoti baalanta ammaꞌno diꞌꞌikkitino. Ikkollana, Kalaqaanchonke hagiirsiisannosi garinni magansiꞌra dandiineemmo. Iso hagiirsiissanno “ammaꞌno” hiittoote? (Yaiqoobi 1:27) Hanni Qullaawu Maxaafi tenne daafira mayyaannoro laꞌno.
1. Ammaꞌnonke mayi aana xintantinota ikka hasiissannose?
Ammaꞌnonke Qullaawu Maxaafi aana xintantinota ikka hasiissannose. Yesuusi Maganoho, “Ate qaali halaaleho” yiino. (Yohaannisi 17:17) Mite ammaꞌno Maganu ayyaaninni borreessinoonnihu Qullaawu Maxaafi giddo noo halaale lashshi assitanno. Insa Maganu Qaali giddo noo halaale agurte mannu budenna woga rosiissanno. Ikkollana, ‘Maganu hajajo diiggannori’ iso dihagiirsiissanno. (Maarqoosi 7:9 nabbawi.) Ammaꞌnonke Qullaawu Maxaafi aana xintantinota ikkituronna Maganu Qaali giddo noo amaale garinni heeꞌneemmoha ikkiro kayinni, Yihowa hagiidhanno.
2. Yihowa magansiꞌra hasiissannonkehu hiittoonniiti?
Yihowa Kalaqaanchonke ikkino daafira, magansiꞌra hasiissannonkehu iso callaati. (Yohaannisi Ajuuja 4:11) Hatto yaa, iso baxanna mitte misileno nookkiha iso calla magansiꞌra hasiissannonke yaate.—Isayaasi 42:8 nabbawi.
Magansiꞌranke “Magano hagiirsiissannotanna qullaawa” ikka hasiissannose. (Roomu Sokka 12:1) Hatto yaa, isi seeri garinni heeꞌra hasiissannonke yaate. Lawishshaho, Yihowa baxxannori isi adhanna adhamate daafira uyino biddishsha baxxanno hattono ayirrissanno. Qoleno manninate gawajjannore lawishshaho araddo dicorqitanno, jingilli assitanno xagga diadhitanno, woy agoho quwa disaꞌanno. a
3. Yihowa ammanate roduuwinke ledo mitteenni magansiꞌra hasiissannonkehu mayiraati?
Lamalate kiiro assiꞌneemmo gambooshshiwa Yihowa ‘songote mereero woꞌmu wodaninkenni galaxxineemmo’ faro afiꞌneemmo. (Faarso 111:1, 2) Tenne assa dandiineemmo doogga giddo mitte, Magano faarsotenni guwisiꞌrate. (Faarso 104:33 nabbawi.) Yihowa roduuwinke ledo mitteenni magansiꞌneemmosi gede kulinonkehu, baxannonkehuraatinna insa hegerera hagiidhinanni heeꞌneemmo gede kaaꞌlitannonketa afinohuraati. Ammanate roduuwinke ledo mitteenni gamba yineemmo woyite mimmito jawaachinsheemmo.
LEDDE XIINXALLI
Yihowa iso misilete widoonni huucciꞌnammora hasiꞌrannokkihu mayiraatiro xiinxalli. Magano guwisiꞌra dandiineemmota hasiissanno doogga rosi.
4. Magano magansiꞌrate misilla horoonsiꞌra dihasiissannonke
Magano magansiꞌrate misilla horoonsiꞌra iso hagiirsiissannokkita mayinni anfeemmo? VIIDIYO laꞌe; hakkiinni aante noo xaꞌmo hasaabbe.
-
Hundi waro Maganu manni mereero mitootu misilete widoonni iso magansiꞌrate woꞌnaaltu yannara mayi ikkino?
Mitu manni Maganunniwa roore gamba yaate kaaꞌlitannonsaha lawannonsa daafira magansiꞌranno woyite misilla horoonsiꞌranno. Kayi hatto assa Maganuwiinni roore xeertissannoha dilawannohe? Fulo 20:4-6 nna Faarso 106:35, 36 nabbabbe; hakkiinni aante noo xaꞌmuwa hasaabbe:
-
Mannu Magano magansiꞌrate hiikkuri misillanna uduunne horoonsiꞌranna laootto?
-
Yihowara iso magansiꞌrate misilla horoonsiꞌnanni woyite mayi macciishshamannosiha lawannohe?
-
Magano magansiꞌrate misilla horoonsiꞌra hasiissannonkeha lawannohe? Hatto yoottohu mayiraati?
5. Yihowa calla magansiꞌneemmoha ikkiro, kaphu rosinni keere fulleemmo
Yihowa halaalunni magansiꞌra kaphu rosinni keere fushshitannonke gara wodanchi. VIIDIYO laꞌe.
Faarso 91:14 nabbabbe; hakkiinni aante noo xaꞌmo hasaabbe:
-
Yihowa iso calla magansiꞌne banxeemmosita leellinshummoro maa assankera qaale eino?
6. Magano songote gambooshshiwa magansiꞌneemmosi
Songote gambooshshiwa faarso faarsiꞌnenna dawaro qolle Yihowa guwisiꞌneemmo hattono mimmito jawaachinsheemmo. Faarso 22:22 nabbabbe; hakkiinni aante noo xaꞌmuwa hasaabbe:
-
Songote gambooshshiwa roduuwu qoltanno dawaro macciishshite hagiidhootto?
-
Gambooshshunniwa dawaro qolate qixxaawatto gara afa hasiꞌratto?
7. Yihowa Qaalisinni ronsoommore wolu mannira kulleemmo woyite hagiidhanno
Qullaawu Maxaafi halaale wolu mannira kula dandiineemmoti duucha doogga no. Faarso 9:1; 34:1 nabbabbe; hakkiinni aante noo xaꞌmo hasaabbe:
-
Qullaawu Maxaafinni rosoottohu wolu mannira kula hasiꞌratto rosi hiikkoyeti?
MITU MANNI TOGO YAANNO: “Ninke cubbaataamma ikkinoommo daafira, Magano hagiirsiisa didandiineemmo.”
-
Ati tennera mayyaatto?
XAPHISHSHA
Kalaqaanchonke calla magansiꞌneemmoha, songote gambooshshiwa guwisiꞌneemmosiha, hattono ronsoommo halaale wolu mannira kulleemmoha ikkiro, Isi wodana tashshi assineemmo.
Kageeshsha Rosoottore
-
Ammaꞌnonke mayi aana xintantinota ikka hasiissannose? Mayira?
-
Yihowa calla magansiꞌra hasiissannonkehu mayiraati?
-
Magano hagiirsiisa hasiꞌrannohu wolu manni ledo mitteenni magansiꞌra hasiissannonkehu mayiraati?
EGENNO LEXXI
“Xaate Kaphu Maganna Borojjicho Diꞌꞌikkoomma” yitannote heeshshote xagge giddo, mitte mancho kaphu maganna magansiꞌratewiinni gatte fultinohu hiittoonniitiro nabbawi.
“Qullaawu Maxaafi Heeshsho Biddi Assanno” (Agarooshshu Shae, Maaja 1, 2011)
Songote gambooshshiwa dawaro qolatto gede kaaꞌlannohere rosi.
“Songote Mereero Yihowa Guwisidhe” (Agarooshshu Shae, Arfaasa 2019)
Mittu aju beetti songote gambooshshe haꞌra shota ikka hooggusirono, haꞌrasi kaaꞌlitinosi gara wodanchi.
Batinyu mannira masqalu Kiristaanu ammaꞌno malaate lawannonsa. Ikkina Magano magansiꞌrate masqala horoonsiꞌra hasiissannonke?
“Magano Magansiꞌrate Masqala Horoonsidhinannikkihu Mayiraati?” (Webisayitenkera fultino borro)
a Tenne coyibba daafira albillitte ronseemmo.
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
