ROSO 24
Sokkaasinete Daafira Qullaawu Maxaafi Kulanno Halaale
Yihowa iimi maatesi daafira anfammora hasiꞌranno. Tenne maatesi giddo mite sokkaasinete; insa “Maganu ooso” yinoonni. (Kalaqama 6:2; Iyyoobi 38:7) Qullaawu Maxaafi sokkaasinete daafira mayyaanno? Sokkaasine maa assitanno? Baalanti sokkaasine Maganu maate widooti?
1. Sokkaasine ayeooti?
Yihowa baatto kalaqara albaanni sokkaasine kalaqino. Isinte gede, sokkaasine illete leeltannokki ayyaannaati; insa heedhannohu gordohooti. (Ibiraawoota 1:14) Lowo miliyoone ikkitanno sokkaasine no; qoleno mittu mittunku baxxitinoreeti. (Yohaannisi Ajuuja 5:11) Insa Yihowa ‘coyiꞌrannore macciishshitannoreetinna hajajosi wonshitannoreeti.’ (Faarso 103:20) Hundi waro, Yihowa sokkasi soyate, mannasi kaaꞌlatenna gatisate sokkaasine soyino woyiti no. Yannankera sokkaasine Kiristaana Maganu daafira rosa hasiꞌranno manni ledo xaadanno gede assitanno.
2. Sheexaanunna durriissa ayeooti?
Mite sokkaasine Yihowara diammanantino. Umo finqilino sokkaasinchi “Daawuloosiiti woy Sheexaaneho [yinanniho] kalqe baala [soꞌrisiisannoho].” (Yohaannisi Ajuuja 12:9) Sheexaanu wolootaho aliidiha ikke gashsha hasiꞌrino; hakko daafira, isi Addaaminna Heewani hattono wole sokkaasine Yihowara finqiltanno gede assino. Tenne finqila sokkaasine durriissa (agaaninte) yinanni. Yihowa insa iiminni uullara tunganni gede assino; jeefote insa gudisante baꞌanno.—Yohaannisi Ajuuja 12:9, 12 nabbawi.
3. Sheexaanunna durriissa manna soꞌrisiisate woꞌnaaltannohu hiittoonniiti?
Sheexaanunna durriissa batinye manna Sheexaanu loosinni soꞌrisiissanno; Sheexaanu loosooti yaa busha ayyaanna ledo hasaawate woꞌnaalate; kuni busha assooteeti. Lawishshaho mitu manni ayyaanto, kiilaanonna maganaano amaaꞌlanno. Mitootu kayinni Sheexaanu loosi ledo xaadooshshe afidhino xagga adhitanno. Mitu manni qole reyitinore coyishiisha dandiinanni yee dogamanno. Yihowa kayinni togo yee qorowisiisinonke: “Ekera coyishshiishannoha woshshidhinoonte; qaallichunniwa hadhinoonte.” (Leewaawoota 19:31) Isi hatto yee qorowisiisinonkehu Sheexaanunna durriisu gawajjannonkekki gede agarankera yeeti. Insa Maganu baarigaarraati; ninkeno gawajjitankera hasidhanno.
LEDDE XIINXALLI
Sokkaasine assitannohu danchu coyi maatiro, Sheexaanu loosi gawajjannohu hiittoonniitironna Sheexaanunna durriisuwiinni ninkeneeto agadha dandiineemmohu ma garinniitiro rosi.
4. Sokkaasine mannu Yihoware rosanno gede kaaꞌlitanno
Maganu sokkaasine mannaho xaaddote disabbakkanno. Hatteentenni, insa Maganu soqqamaasine isi daafira rosa hasiꞌranno manninni xaadissanno. Yohaannisi Ajuuja 14:6, 7 nabbabbe; hakkiinni aante noo xaꞌmuwa hasaabbe:
-
Dancha duduwo duduwate sokkaasinete kaaꞌlo hasiissannonkehu mayiraati?
-
Sokkaasine Qullaawu Maxaafi sokka macciishsha hasiꞌranno manni ledo xaadissahera dandiitannota afakki jawaachishshannohe? Mayira?
5. Sheexaanu looso gibbe
Sheexaanunna durriissa Yihowa baarigaarraati. Insa ninkerano baarigaarrate. Luqaasi 9:38-42 nabbabbe; hakkiinni aante noo xaꞌmo hasaabbe:
-
Durriissa manna hiitto assitanno?
Busha ayyaanna woy durriissate ledo hili lase nafa heedhankera dihasiꞌneemmo. Marro 18:10-12 nabbabbe; hakkiinni aante noo xaꞌmuwa hasaabbe:
-
Durriissa manna gawajjatenna hasaawisate woꞌnaaltannohu hiittoonniiti? Ati heeꞌratto qooxeessira rosaminohu Sheexaanu loosi hiikkoyeti?
-
Yihowa Sheexaanu loosiwiinni xeertiꞌneemmo gede amaalasi dancha labbannohe? Mayira?
VIIDIYO laꞌe; hakkiinni aante noo xaꞌmuwa hasaabbe.
-
Paleesa qaaqqora angate worroonni quraami gawajjannoha lawannohe? Mayira?
-
Paleesa busha ayyaanna gawajjitannosekki gede maa assa hasiissinose?
Hundinni kayise addu Kiristaani busha ayyaanna giwanno. Soqqamaasinete Looso 19:19 nna 1 Qorontoosi 10:21 nabbabbe; hakkiinni aante noo xaꞌmo hasaabbe:
-
Busha ayyaanna ledo xaadooshshe afiꞌrinoha aye coyeno huna hasiissannohehu mayiraati?
6. Sheexaanunna durriissate ledo gaarante qeela dandaatto
Durriissa hajajannohu Sheexaaneho. Ammanantino sokkaasinera biddishsha aannohu kayinni sokkaasinete roorrichi Mikaeeliiti; kuni Yesuusira wole suꞌmaati. Mikaeelira mageeshshi wolqa noosi? Yohaannisi Ajuuja 12:7-9 nabbabbe; hakkiinni aante noo xaꞌmuwa hasaabbe:
-
Mikaeelinna sokkaasinesinna Sheexaanunna durriissasi giddo roore wolqaataamu ayeti?
-
Yesuusi rosaano Sheexaanenna durriissasi waajja hasiissannonsaha lawannohe?
Sheexaanunna durriissasi ledo gaarante qeela dandaatto. Yaiqoobi 4:7 nabbabbe; hakkiinni aante noo xaꞌmo hasaabbe:
-
Sheexaanunna durriissatewiinni ateneeto agadha dandaattohu hiittoonniiti?
MITU MANNI TOGO YAANNO: “Boohaarate ikki geeshsha, durriissate looso leellishshanno geeme godoꞌla woy hattoo filme laꞌꞌa qarra diafidhino.”
-
Hatto yee heda gawajjitanno yineemmohu mayiraati?
XAPHISHSHA
Ammanantino sokkaasine kaaꞌlitannonke. Sheexaanunna durriissasi Yihowa baarigaarraati; insa Sheexaanu looso horoonsidhe manna soꞌrisiissanno.
Kageeshsha Rosoottore
-
Yihowa sokkaasine mannu isi daafira rosanno gede kaaꞌlitanni noohu hiittoonniiti?
-
Sheexaanunna durriissasi ayeooti?
-
Sheexaanu loosiwiinni xeertiꞌra hasiꞌrattohu mayiraati?
EGENNO LEXXI
Yesuusi sokkaasinete roorricha Mikaeeli ikkinota leellishshanno taje huwati.
“Sokkaasinete Roorrichi Mikaeeli Ayeti?” (Webisayitenkera fultino borro)
Daawuloosi mannu wodani giddo noo bunshe ikkikkinni addinta nooha ikkinota leellishshanno taje wodanchi.
“Isi Addanka Daawuloosi No?” (Webisayitenkera fultino borro)
Mitte mancho durriisu gawajjonni gatte fultino gara nabbawi.
“Heeshshose Hagiirru Noota Ikkitino” (Agarooshshu Shae, Maaja 1, 1993)
Sheexaanu durriisu loosinni manna gowwisanno gara wodanchi.
“Digintenna Kiilo Lainohunni Halaale Afa” (Hegere Heeshshowa Massitanno Doogo, gafa 5)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
