ROSO 26
Qarrunna Bunshe Batidhinohu Mayiraati?
Dano woy bushu coyi ikkanno woyite ‘Kuni ikkinohu mayiraati?’ yee xaꞌma nooreentilla. Qullaawu Maxaafi tenne xaꞌmora duushshitanno dawaro qolannota afanke hagiirsiissannonke!
1. Sheexaanu alamete aana bunshe hanaffanno gede assinohu hiittoonniiti?
Sheexaanu Daawuloosi Maganoho finqilino woy shittino. Sheexaanu wolootaho aliidiha ikke gashsha hasiꞌrino daafira, umi manna Addaaminna Heewanino finqilanno gede assino. Isi tenne assinohu Heewanira kapho kuleeti. (Kalaqama 3:1-5) Isi, ise Yihowa dancha coye hoꞌlinoe yite heddanno gede assino. Isi wole yaattonni, mannu ooso Maganoho hajajama hoogguro roore hagiirraamma ikkitanno yiino. Sheexaanu Heewani direyatta yee umi kapho kaphino. Hakko daafira, Qullaawu Maxaafi Sheexaane ‘kaphaanchohonna kaphu annaati’ yaanno.—Yohaannisi 8:44.
2. Addaaminna Heewani maa assa doodhino?
Yihowa Addaamiranna Heewanira shaqqillunni lowore uyinonsa. Isi Edeni Gannatete noo haqqe giddo mitte agurranna wole baalante laalo itte yiinonsa. (Kalaqama 2:15-17) Insa kayinni yinoonninsare lashshi assite agurte hoolloonni haqqicho laalo ita doodhitino. Heewani “haqqichote laalo . . . haadhe ittu.” Gedensoonni Addaamino “iti.” (Kalaqama 3:6) Lamunku Maganoho dihajajantino. Hakkawoyite Addaaminna Heewani guuta manna ikkino daafira, bushare assanno gede xixxiiwannonsari giddonsa dino. Konni daafira insa Maganoho finqili woyite, tenne assinohu afanni heeꞌrenni baxeeti. Konni garinni insa cubbo loosino; hattono Maganu gashshannonsata giwino. Insa doodhinori buutote qarranna shetto abbinonsa.—Kalaqama 3:16-19.
3. Addaaminna Heewani doodhinori ninke gawajjinohu hiittoonniiti?
Addaaminna Heewani cubbo loosi woyite, guuntete xeꞌne noore ikkino; hakko daafira insa oosonsa baalantera guuntete xeꞌne sayisino. Qullaawu Maxaafi Addaami daafira togo yaanno: “Mittu manchinni kainohunni cubbu tenne alame eino; reyo cubbu widoonni higge daggino.”—Roomu Sokka 5:12.
Qarru amadannonke gede assannohu addi addi coyi no. Mito woyite qarrammeemmohu gara ikkinokkire doodhineeti. Mito woyite kayinni wolu manni gara ikkinokkire doodheenna qarrammeemmo. Mito woyite qole hedeweelcho ikkinorinni qarru amadannonke.—Rosiisaancho 9:11 nabbawi.
LEDDE XIINXALLI
Xaa yannara alamete aana noo bunshenna qarrira Magano busha assa hasiissannokkihu mayiraatironna qarrammeemmo woyite isira mayi macciishshamannosiro rosi.
4. Iillannonke qarrira xaꞌmamannohu ayeti?
Batinyu manni alame gashshe noohu Maganoho yee ammananno. Hatto yee ammana garaho? VIIDIYO laꞌe.
Yaiqoobi 1:13 nna 1 Yohaannisi 5:19 nabbabbe; hakkiinni aante noo xaꞌmo hasaabbe:
-
Qarrammeemmo gede assannonkehunna alamete aana bunshe batidhanno gede assinohu Maganoho?
5. Sheexaanu gashshooti abbino gawajjo
Kalaqama 3:1-6 nabbabbe; hakkiinni aante noo xaꞌmuwa hasaabbe:
-
Sheexaanu mayyee kaphino?—Kiiro 4 nna 5 lai.
-
Sheexaanu, Yihowa mannu oosora danchare hoꞌlinohu gede asse coyiꞌrinohu hiittoonniiti?
-
Sheexaanu, mannu ooso hagiirraamma ikkate Maganu gashshootira maahoyye yite gala dihasiissannonsa yiinohu hiittoonniiti?
Rosiisaancho 8:9 nabbabbe; hakkiinni aante noo xaꞌmo hasaabbe:
-
Alamete Gashshaanchi Yihowa ikkinokki daafira, alame hiittoota ikkitino?
-
Umo Addaaminna Heewani guuta mannaati; qoleno Gannatete heeꞌranno. Ikkirono insa Sheexaanu yiinore macciishshe, Yihowara finqilino
-
Insa finqilihu gedensaanni, uullate aana cubbu, qarrunna reyo batidhino
-
Yihowa cubbo, qarranna reyo hunanno. Mannu ooso wirro guuta ikkite Gannatete heedhanno
6. Yihowa qarrammeemmo woyite mararannonke
Maganoho qarrinke leellannosi? Hanni Moote Daawitinna soqqamaasinchu Pheexiroosi mayite borreessitinoro laꞌno. Faarso 31:7 nna 1 Pheexiroosi 5:7 nabbabbe; hakkiinni aante noo xaꞌmo hasaabbe:
-
Yihowara qarrinke leellannositanna mararannonketa hedatto woyite mayi macciishshamannohe?
7. Maganu mannu ooso qarra baalanka hunanno
Isayaasi 65:17 nna Yohaannisi Ajuuja 21:3, 4 nabbabbe; hakkiinni aante noo xaꞌmo hasaabbe:
-
Yihowa bushu coyi mannu ooso aana abbino gawajjo baala dhaawannota afanke sheshifachishshannonkehu mayiraati?
Ati tenne afootto?
Sheexaanu umi kapho coyiꞌri woyite, Yihowa suꞌma hunino. Isi, Yihowa taashshannohanna baxillaancho Gashshaancho diꞌꞌikkino yee suꞌmasi mishiishino. Yihowa muli yannara mannu ooso qarra hunanno woyite, suꞌmisi keeraaꞌmanno gede assanno. Wole yaattonni, isi gashshootisi taalle nookkiha ikkinota leellishanno. Kalqete giddo baalunkurinni roortanno hajo, Yihowa suꞌmi qullaawa ikkate woy keeraaꞌmate.—Maatewoosi 6:9, 10.
MITU MANNI TOGO YAANNO: “Maganu qarra abbannohu jife laꞌꞌankera yeeti.”
-
Ati tennera mayyaatto?
XAPHISHSHA
Alamete aana noo qarrira roorenka xaꞌmantannori Sheexaane Daawuloosiitinna umi mannaati. Qarrammeemmo woyite Yihowa lowo geeshsha mararannonke; qoleno isi muli yannara iillitinonke gawajjo baalanta dhaawanno.
Kageeshsha Rosoottore
-
Sheexaanu Daawuloosi Heewanira mayyee kaphino?
-
Addaaminna Heewani finqille ninke baalanka gawajjitinohu hiittoonniiti?
-
Yihowa qarrammeemmo woyite mararannonketa mayinni anfeemmo?
EGENNO LEXXI
Qullaawu Maxaafi cubbu maati yaanno?
Sheexaanu Daawuloosi Edeni Gannatete kayisino yekkeero daafira ledde rosi.
“Maganu Qarru Heeꞌrara Fajjinohu Mayiraati?” (Agarooshshu Shaera fulino birxicho)
Lowo manni xaꞌmannote mitte ayirritanno xaꞌmora qolloonnita jawaachishshanno dawaro nabbawi.
Mittu manchi iillannosi qarri daafira maa huwatino?
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
