ROSO 32
Maganu Mangiste Xa Gashshitanni No!
Maganu Mangiste 1914nni gordoho gashsha hanaffino. Mannu gashshootihu goofimarchu barri hanafinohuno hakko dirooti. Tenne mayinni anfeemmo? Hanni Qullaawu Maxaafi mayyee masaalinoro, hattono 1914 kawa alamete aana mayi ikkanni nooronna mannu akati hiittooha ikkinoro laꞌno.
1. Qullaawu Maxaafi mayyee masaalino?
Daanieeli masaalo kultanno garinni, Maganu Mangiste gashsha hanaffannohu “lamalu diri” yinoonni yanna gooffanno woyiteeti. (Daanieeli 4:16, 17) Lowo xibbi diri gedensaanni, Yesuusi hattee yanna “dagate yanna” yiino; qoleno hatti yanna hakkawoyite gooffinokkita rosiisino. (Luqaasi 21:24) Lende ronseemmonte gede, kuni lamalu diri goofinohu 1914ti.
2. Alamete ikkitonna mannu akati 1914 kawa hiittooha ikkino?
Yesuusi rosaano iso “Ate daaranna diru goofimarchira malaatu maati?” yite xaꞌmitinosi. (Maatewoosi 24:3) Yesuusi tenne xaꞌmora dawaro qolanni, isi gordoho Maganu Mangistera Moote ikke gashsha hanafihu gedensaanni ikkannoha batinye coye kulino. Kuri giddo gamu: olaho, hudetenna baattote huxanooti. (Maatewoosi 24:7 nabbawi.) Qoleno Qullaawu Maxaafi, “goofimarchu barra” mannu akati horo bushanno daafira heeshsho ‘qarra’ ikkitannota coyiꞌrino. (2 Ximootewoosi 3:1-5) Togooti alamete ikkitonna mannu akati, hakko iso 1914 kawa roore xawe leellino.
3. Maganu Mangiste gashsha hanaffu kawa alamete ikkito roore bushshinohu mayiraati?
Yesuusi Maganu Mangistera Moote ikkihunni shiima yanna gedensaanni, iima Sheexaanunna durriissate ledo olamino. Hakkuyi olira Sheexaanu qeelamino. Qullaawu Maxaafi kulanno garinni, hakkuyi gedensaanni Sheexaane “uullara tungi; sokkaasinesino isi ledo tugantu.” (Yohaannisi Ajuuja 12:9, 10, 12) Sheexaanu baꞌꞌannota afino daafira lowo geeshsha hanqino. Konni daafira, alame woꞌmate aana qarrunna shetto batidhanno gede assino. Alamete ikkito togo bushshinohu iseraati! Maganu Mangiste konne baalanka qarra hooltanno.
LEDDE XIINXALLI
Maganu Mangiste gashsha hanaffinohu 1914nni ikkinota leellishshanno tajenna tenne afanke maa assineemmo gede kakkayissannonkero xiinxalli.
4. Qullaawu Maxaafiti diru shallago, Maganu Mangiste 1914nni gashsha hanaffinota leellishshanno
Maganu hundi Baabiloone Moote Nabukadanatsoori haaqee haaqiiꞌranno gede assino; isi hattee haaqeera albillitte ikkannore leellishinosi. Tenne haaqeenna Daanieeli tenne haaqee tiri woyite coyiꞌrinore Qullaawu Maxaafi giddo borreessinoonni; tini haaqee Nabukadanatsoori gashshootirenna Maganu Mangistere kultannote.—Daanieeli 4:17 nabbabbe. a
Daanieeli 4:20-26 nabbabbe; hakkiinni sanxarazhe horoonsidhine tenne xaꞌmuwara dawaro qolle:
-
(A) Nabukadanatsoori haaqeetenni maa laino?—Kiiro 20 nna 21 lai.
-
(B) Hattee haqqicho hiissinanni?—Kiiro 23 lai.
-
(C) “Lamalu diri” jeefora mayi ikkanno?—Kiiro 26 lai.
Haqqichote Daafira Kultanno Haaqee Maganu Mangiste Ledo Mayi Xaadooshshe Afidhino?
MASAALO (Daanieeli 4:20-36)
Gashshoote
(A) Jawa haqqicho
Gashshootu mereeroho murami
(B) “Hattenne haqqicho karre”; hakkiinni “7 diri” saona
Gashshootu wirro xintami
(C) “Galagalte higge moohatto”
Umi gumulo garinni . . .
-
(D) Tini haqqicho ayeti?—Kiiro 22 lai.
-
(E) Gashshootisi muraminohu hiittoonniiti?—Daanieeli 4:29-33 nabbabbe.
-
(F) “Lamalu diri” gedensaanni Nabukadanatsoori ma ikkino?—Daanieeli 4:34-36 nabbabbe.
UMI GUMULO
Gashshoote
(D) Baabiloonete Moote Nabukadanatsoori
Gashshootu mereeroho murami
(E) 606 K.A., Nabukadanatsoori lamalu diri geeshsha wodana fayyinokki daafira gashsha didandiino
Gashshootu wirro xintami
(F) Nabukadanatsoori surresi raga higgeenna wirro gashsha hanafino
Layinki gumulo garinni . . .
-
(G) Tini haqqicho ayeti?—1 Duduwo 29:23 (NW) nabbabbe. b
-
(H) Insa gashsha agurtinohu mamarooti? Yesuusi uullate aana noo warono insa gashshitanni nookkita mayinni anfeemmo?—Luqaasi 21:24 nabbabbe.
-
(I) Kuni gashshooti wirro xintaminohu mamarooti? Hiikko?
LAYINKI GUMULO
Gashshoote
(G) Maganu gashshoote riqibbe gashshitannore Israeelete mootoolla
Gashshootu mereeroho murami
(H) Yerusaalame baꞌu; Israeelete mootoolla 2,520 diro gashshitukki keeshshitino
Gashshootu wirro xintami
(I) Yesuusi Maganu Mangiste Moote ikke gordoho gashsha hanafino
Lamalu diri mageeshsha ikkanno?
Mittu Qullaawu Maxaafi gafi wole gafa huwatate kaaꞌlannonke. Lawishshaho, Qullaawu Maxaafihu Ajuujate maxaafi sasu dirinna 6 agani 1,260 barra ikkinota kulanno. (Yohaannisi Ajuuja 12:6, 14) Lamalu diri hakkuyi ero yaano 2,520 barra ikkanno. Qullaawu Maxaafi mito woyite mitto barra mitto dirooti yaanno. (Kiiro 14:34) Konni daafira, Daanieeli maxaafira kullihu “lamalu diri” 2,520 dirooti.
5. Alame 1914 kawa soorrantino
Yesuusi, isi moohihu gedensaanni alame hiittoota ikkitannoro masaalino. Luqaasi 21:9-11 nabbabbe; hakkiinni aante noo xaꞌmo hasaabbe:
-
Koye kulloonni ikkito giddo ati laoottori woy macciishshoottori hiikkuriiti?
Soqqamaasinchu Phaawuloosi uullate gashshooti goofimarchira mannu akati hiittooha ikkannoro masaalino. Layinki Ximootewoosi 3:1-5 nabbabbe; hakkiinni tenne xaꞌmo hasaabbe:
-
Xaa yannara mannu aana togoo akatta laootto?
6. Maganu Mangiste gashshitanni noota ammanattota leellishi
Maatewoosi 24:3, 14 nabbabbe; hakkiinni aante noo xaꞌmuwa hasaabbe:
-
Maganu Mangiste gashshitanni noota leellishannohu kaajju loosi hiikkoyeti?
-
Ati konni loosira kaaꞌlama dandaattohu hiittoonniiti?
Maganu Mangiste xa gashshitanni no; uulla woꞌma gashshitanno yannano gambissino. Ibiraawoota 10:24, 25 nabbabbe; hakkiinni aante noo xaꞌmo hasaabbe:
-
“[Barru] gamba yiinota” hendanni ninke mittu mittunku maa assa hasiissannonke?
Manna kaaꞌlannorenna heeshshonsa gatisara dandaannore afittoro, maa assatto?
MITU MANNI TOGO YEE XAꞌMARA DANDAANNO: “Yihowa Farciꞌraasine 1914 baxxino dirooti yitannohu mayiraati?”
-
Tennera mayite qolatto?
XAPHISHSHA
Qullaawu Maxaafi masaalo, diru shallagonna alamete aana ikkanni noori, Maganu Mangiste xa gashshitanni noota leellishanno. Tenne ammanneemmota leellishate, Maganu Mangistere dudumbeemmo; hattono songote gambooshshe haꞌneemmo.
Kageeshsha Rosoottore
-
Qullaawu Maxaafihu Daanieeli maxaafira masaalloonnihu lamalu diri goofita mayi ikkino?
-
Maganu Mangiste 1914nni gashsha hanaffinota ammanatto gede assinoheri maati?
-
Maganu Mangiste xa gashshitanni noota ammanattota leellisha dandaattohu hiittoonniiti?
EGENNO LEXXI
Xaggete egennaamminna wolu manni, alame 1914 kawa soorrantino gara mayyee xawisinoro wodanchi.
“Amanyootu Maaeelle Hedeweelcho Hanaffino Yanna” (Baqqi Yiiyye!, Dotteessa 2007)
Maatewoosi 24:14 noo masaalo mittu manchi heeshsho soorritino gara nabbawi.
“Alba Ispoortete Geeshsha Baxeemmori Woluri Dino!” (Agarooshshu Shaera fulino birxicho)
Daanieeli fooliishsho 4 noo masaalo Maganu Mangistere kultannota mayinni anfeemmo?
“Maganu Mangiste Gashsha Hanaffinohu Mamarooti? (Gafa 1)” (Agarooshshu Shaera fulino birxicho)
Daanieeli fooliishsho 4 kulloonnihu “lamalu diri” 1914nni goofinota leellishannori maati?
“Maganu Mangiste Gashsha Hanaffinohu Mamarooti? (Gafa 2)” (Agarooshshu Shaera fulino birxicho)
a Konni rosi giddo Egenno Lexxi yaanno gafira nooha lame jeefote birxicho lai.
b 1 Duduwo 29:23 (NW): “Selemooni annisi Daawiti darga amade moote ikke Yihowa zuufaanera ofolli; isino coyi baalu qiniinosiha ikki; Israeelete manni baalunkuno hajajamisi.”
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
