Sheexaanu kiiˈlattoranna ayyaana layiˈrattora hasiˈranno. Batinyu manni kaayyo bushshannonke yite waajjite annaho xorshidhannonna ayyaannate kakkalo shiqishshanno. Konne assitannohu tini ayyaanna gawajjitannonke yite waajjiteeti. Kiilsiisidhe cuuichonna gume wodhitanno, hattono hursitanno wolqa noonsa yite ammantanno xagga aggannonna buudhitanno. Mitootu bushurinni agarannonke yite minensa woy boosaallonsa babbaxxinore waantanno. Wolootu kayinni daddalinsa qinaawara, rosu fonqolo saˈˈatenna dancha galte afiˈrate yite kiilsiisidhe “xagga” horoonsidhanno.

Duuchunku aleenni Sheexaanu gawajjonni agarannonkehu Yihowa jaalanke assiˈrate. Yihowanna sokkaanosi Sheexaanunna durriissasi wolqanni aliidi wolqa afidhino. (Yaaqoobi 2:19; Ajuuja 12:9) Yihowa iso coˈo yino wodaninni ammantannore jaallasi agarate qixxaawinohonna wolqasi halaˈladote.—2 Zeena 16:9.

Maganu Qaali, “Horonta ayyaana laˈootinna kiiˈlitooti” yaanno. Ayyaana layiˈranna kiilu, mitto mancho Sheexaanu borojjicho assitannohura Yihowa giwannoreeti.—Zelewaawuyaani 19:26.