Jaaloomiˈne sufanno gede jaalikki ledo hasaawa hasiissannohe. Atino isi yaannohere macciishshatto, isino ati yaattore macciishshanno. Leddeno jaalikki danchumma wolootaho kulatto. Maganu jaala ikkateno hatto assa hasiissanno. Konne lainohunni Qullaawu Maxaafi yaannore laˈno:

Ganyite huuccattotenni Yihowa ledo hasaawi. ‘Huuccattotenni jawaati.’—Roomu Sokka 12:12.

Maganu Qaale, Qullaawa Maxaafa nabbawi. ‘Maganunnihu Qullaawu Ayyaani nooti borro duucha rosiisate, wodana suwisatenna qullaawimmate noo amaalerano kaaˈlitanno.’—2 Ximootewoosi 3:16, 17.

Wolootaho Maganunnire rosiisi. ‘Xaate hadhine dagate manna duucha rosaano assensa. Hajajoommoˈneha duucha wonshitanno gede rosiissensa!’—Maatewoosi 28:19, 20.

 Maganu jaallawa shiqi. “Egennaammu ledo hosannohu egennaamo ikkanno.”—Lawishsha 13:20.

Yihowa Farciˈraasine gamba yite Maganunnire rossannowa, Gambooshshu Addaraashera assidhanno gambooshshe haˈri. ‘Duucha yannara xaandanni ninke ninkeneewa mimmito kaajjinsho.’—Ibiraawuyaani 10:24, 25.

Maganu Gashshooti looso miinjunni kaaˈli. “Maganu hagiirrunni aanno mancho baxanno daafira, mittu mittunku wodanisinni baxe hagiirrunni oo.”—2 Qorontoosi 9:7.