Heeˈrahera dandaanno coyi baalunkunni rooru, Maganu jaala ikkate. Maganu rosiisannohehu hagiirraamenna geˈino heeshsho heeˈrattoraati; kaphu ammaˈnanninna gawajjo abbanno rosinni keeraanchimma fushshannohe. Huuccattokkino macciishshannohe. Giddoyiidi keerinna geˈne heedhannohe gede assanno. (Faarso 71:5; Ibiraawuyaani 10:22) Qarru yannarano irkisannohe. (Faarso 18:18) Hattono hegere heeshsho aannohe.—Roomu Sokka 6:23.

Maganunniwa shiqitto deerrinni, hattonni jaallasiwa shiqatto. Insano ate jaalla ikkitanno. Isinni, roduunna rodoote gede ikkitannohe. Maganu fajjo maatiro rosiisanna hakkii saeno ate jawaachisha hagiirsiissannonsa.

Maganu ledo taalleenyu dinonke. Maganu ledo jaalooˈma hasiˈrittoro, huwata hasiissannohehu mittu coyi no. Maganu ledo jaalooˈma ninke gedee manni ledo jaalooˈmatewiinni baxxitanno. Isi seeda diro heeˈrinohonna hakkii saeno ninke aliidi xiinxallaatinna wolqaataamooti. Ninke gashshate mootumma noosiho. Konnira isi jaalla ikka hasiˈnummoro, yaannore macciishshanna loosu aana hosiisa hasiissannonke. Togo assanke ayee woteno horo uyitannonke.—Isayyaasi 48:18.