Bitima
Maganu baxillaanchu anni gedeeho. 1 Pheexiroosi 5:6, 7
Maganu Kalaqaanchonkeeti; qoleno isi ninkera assaawanno. Mittu hayyichchunna baxillaanchu anni oososi amaalannonte gede, Maganuno base baalate noo manni woyyitino heeshsho heeˈranno gede rosiisanno.
Maganu lowo geeshsha hagiirsiisannonkeha, hattono hexxo heedhannonke gede assannonkeha muxxe ikkino halaale kulannonke.
Maganu yaannore macciishshattoha ikkiro, isi marraˈˈannohe, hattono agarannohe; hakkiinni saeno iillannohe qarra dandiite heeˈratto gede kaaˈlannohe.
Hatto assittoro konninni roorino atooteno afiˈratto, yaano hegerera heeˈratto!
Maganu togo yaannonke: “Anewa amme; macciishshitine . . . heeshshote heedhe.” Isayyaasi 55:3
Kurino Lai
KAA'LANNOHA QULLAAWU MAXAAFI ROSO
Maganoho Suˈmu Noosi?
Maganoho batinyu suusu suˈmi noosi; lawishshaho Woˈmanka Dandaannoha, Kalaqaanchonna Mooticha yinannisi. Ikkollana Maganunnihu baxxino suˈmi Qullaawu Maxaafi giddo mito 7,000 ikkanno bayicho no.
