GAFA 9
Uulla Gannate Ikkitannohu Mamarooti?
Uullate aana batiꞌrino qarri Maganu Mangiste daa rakkinota leellishanno. Luqaasi 21:10, 11; 2 Ximootewosi 3:1-5
Qullaawu Maxaafi yannankera ikkanni nooha batinynye coye balaxe masaalino. Mannu woxe baxannoha, annahonna amate hajajamannokkiha, kaajjadonna qawaaxxo baxannoha ikkanno yee masaalino.
Bayira uullate huxano, olu, hudenna xiwanu batiꞌranno yee Qullaawu Maxaafi masaalinori yannankera ikkanni no.
Ledeno Yesuusi, Maganu Gashshootihu danchu duduwi uulla woꞌmate sabbakamanno yiino.—Maatewoosi 24:14.
Maganu Mangiste bunshe baala huntanno. 2 Pheexiroosi 3:13
Yihowa muli yanna giddo busha manna baala hunanno.
Sheexaanunna agaaninte qorichcha adhitanno.
Maganu yaannore macciishshitannori kayinni gatte, xalalle woꞌmitinota haaro alame eꞌanno. Hatti alame mannu mittore waajjikkinni, hattono baxillunninna mimmito ammane heeꞌrannote.
Kurino Lai
MAXAAFFANNA BIROSHERUBBA
Maganu Mangiste Maati?
Yesuusi uullate aana noo waro, Maganu Mangiste albillite assitannore loosunni leellishino.
MAXAAFFANNA BIROSHERUBBA
Qarrunna Shetto Heedhannokki Yanna Dagga Ikka?
Qullaawu Maxaafi Maganu taashshote xeꞌne giwannotanna mannaho lowo geeshsha assaawannota kulanno. Tenne afakki maaho kaaꞌlitannohe?
