HASAAWA HANAFA
ROSO 2
Mannu Hasaawe Galino Garinni
Xintu seera: “Yannasira coyiꞌnoonni coyi hiittoo danchaati!”—Law. 15:23.
Filiphoosi Assinore
1. VIIDIYO laꞌe; woy Soqqamaasinete Looso 8:30, 31 nabbabbe. Hakkiinni, aante noo xaꞌmuwa hiince:
Filiphoosi Assinorinni Maa Ronseemmo?
2. Hasaawu mullanka sufanni haꞌranno gede assineemmoha ikkiro, hasaawinseemmo manni wodanaaꞌme macciishsharanna yineemmoreno adhara dandaanno.
Filiphoosi Faale Hadhe
3. Xiinxalloota ikke. Mittu manchira albanna bisu millimillosi laꞌine isi daafira lowore wodanchitinara dandiitinanni. Manchu hasaawa hasiꞌranno gedeeho? Qullaawu Maxaafi hasaawa hanafate, haransitine “Ati . . . afootto?” yitine xaꞌma dandiitinanni. Mittu manchi hasaawa hasiꞌrannokkiha ikkiro, hasaawanno gede okka dihasiissanno.
4. Cincaaleeyye ikke. Bayichonkonni Qullaawu Maxaafire hasaawa hasiissannoꞌne yaa diꞌꞌikkino. Togoo hasaawira maltino yanna iillita geeshsha cincitine agarre. Mito woyite, konni manchi ledo Qullaawu Maxaafire hasaawa dancha ikkitannohu wirro xaaddinanni woyite ikkara dandaanno.
5. Hasiisannoha ikkiro, hasaawa soorre. Hasaawu heddinoonnikki widira hige haꞌrara dandaanno. Hakko daafira, hasaawissinoonni manchira kaaꞌlannore coyiꞌrate woꞌnaalle. Tenne assate, kiꞌne heddinoonnire agurtine wole Qullaawu Maxaafi halaale kula hasiissannoꞌneha ikkara dandaanno.
