XIINXALLO 10
Qoonqo Soorra
Lawishsha 8:4, 7
ASSA HASIISSANNOHERE: Roso xawe leellannonna loosoho kakkayisanno garinni shiqishate, qoonqokki deerra, rankenna gara soorritanni coyiˈri.
KONNE ASSA DANDAATTO GARA:
-
Qoonqokki deerra soorri. Qara qara hedo luphi assatenna macciishshaano loosoho kakkayisate qoonqokki deerra gotti assi. Yoote sokka amadinoha Qullaawu Maxaafi gafa nabbawatto woyiteno hatto assi. Macciishshaano aanchite coyiˈrattore quqquxante agadhitanno gede assate woy waajjishannorenna yaachishannore kulate qoonqokki ajishi.
-
Qoonqokki gara soorri. Iibbado hedonni coyiˈrate, woy mitturichi geeshsha woy xeertinye kulatto woyite qoonqokki gotti assa dandaatto. Dadille woy yaaddo xawisate qoonqokki heeshshi assi.
-
Qoonqokki ranke soorri. Dhagge ikkinohere coyiˈratto woyite rakke rakke coyiˈri. Lowo geeshsha hasiissanno hedo xawisatto woyite kayinni sununni coyiˈri.
