XIINXALLO 11
Iibbado Giddonni Coyiˈra
Roomu Sokka 12:11
ASSA HASIISSANNOHERE: Macciishshaano loosoho kakkayisa dandaatto gede iibbado giddonni coyiˈri.
KONNE ASSA DANDAATTO GARA:
-
Rosu ate umikki wodana kakkayisanno gede assiˈri. Kifile shiqishate qixxaawatto woyite, hatti sokka mageeshshi geeshsha hasiissannota ikkitinoro hiinci. Woˈma giddonni coyiˈra dandaatto gede shiqishatto roso seekkite xiinxalli.
-
Macciishshaanote daafira hedi. Nabbawatto mashalaqqe woy rosiisatto rosi woloota kaaˈlannohu hiittoonniitiro hiinci. Macciishshaanote hakko rosira noonsa diniqo lexxitanno gede assanno garinni shiqisha dandaatto doogga hedi.
-
Roso iibbado giddonni shiqishi. Woˈma giddonni coyiˈri. Hedokki xawisate bisu millimillonna albu xawishsha garunni horoonsiˈri.