Macciishshaanote daafira hedi. Rosiisatto roso macciishshaano afa hasiissannonsahu mayiraatiro hiinci; qoleno roore kaaꞌlitannonsa hedo hiittenneetiro wodanchi.

Lallawo hanaffe gudatto geeshsha macciishshaano maa assa hasiissannonsaro huwattanno gede assi. Hanafotenni kayisse macciishshaano baalanti, ‘Kuni anera kaaꞌlanno rosooti’ yite heddanno gede assi. Mitte mittenta hedo xawisatto woyite, loosunni leellisha dandiinanni garano kuli. Xaphi assite coyiꞌrantenni, roso loosunni leellisha dandiinanni gara badde kuli.