Rosu mixo wodanchi. Lallawote mixo maatiro hedi; mitte lallawo egenno leddannota, ammansiissannota woy macciishshaano loosoho kakkayissannota ikkitara dandiitanno. Baalanti qara hedo lallawokki mixo wonshitannota ikkase buuxi.

Lallawote cuˈmo luphi assi. Lallawo hanaffe gudatto geeshsha, cuˈmonnita qara qaalla wirro wirro qummi assitanni woy addaarricho tiro afidhino qaalla horoonsidhanni rosu cuˈmo luphi assi.

Qara qara hedo xabbe leeltanno gede assi. Rosu cuˈmo ledo xaadooshshe afidhinotanna uyinoonnihe yanna giddo dancha gede assite xawisa dandaattota qara hedo calla doori. Qara hedo batissooti, mitte mittenta qara hedo xawisse kuli, hattono mitte qara hedo xawisse wolete saˈˈatto woyite taxxi yii.