XIINXALLO 18
Macciishshaanote Egenno Ledannore
1 Qorontoosi 9:19-23
ASSA HASIISSANNOHERE: Macciishshaano roso heeshshi gotti assite hedde, kaajja roso ronsoommo yite heddanno gede assi.
KONNE ASSA DANDAATTO GARA:
-
Macciishshaano konni albaanni maa affinoro hedi. Wonanni affe noo coye ledde kulattonte, hatte hajo wolu garinni heddanno gede assi.
-
Seekkite xiinxalli, hattono hiinci. Dandaamannoha ikkiro, qara hedo xawisate gari geeshsha egennantinokki mashalaqqe woy muli yannara ikkinore kuli. Rosiissanni nootto rosinna kulate hedootto mashalaqqe mereero mayi xaadooshshi nooro seekkite hedi.
-
Rosiisatto rosi afiꞌrino horo xawisi. Macciishshaanote qummeeshshu hedo heeshshonsara kaaꞌlitannonsa gara xawisse kuli. Macciishshaano affinota mitte hajo, ikkito, woy assoote kayisse, shiqishatto rosi togoo coyira kaaꞌlanno gara xawisi.