Huuccatto assidhe seekkite qixxaawi. Waajjakki qeeˈlite sokkate aana illachisha dandaatto gede kaaˈlahera Yihowa huucciˈri. Qara sokka xabbe leeltannohe gede assiˈri. Borrote aana noo qaalla noo gedeenni nabbawa agurte, hedo umikki yaattonni coyiˈri.

Ammanattota leellishanno garinni coyiˈri. Macciishshaano hattee sokka macciishsha hasiissannonsahu mayiraatiro hedi. Insa aana illachishi. Hatto ikkiro, uurrootto gari, bisu millimillokkinna albikki shaqqillenna baxille leellishannoha ikkanno.

Macciishshaano laˈanni coyiˈri. Qooxeessiˈnera manna laˈnanni coyiˈra koffi assitannokkiha ikkiro, macciishshaano lai. Lallawo shiqishatto woyite, macciishshaano baala mitteenni laˈˈattonte, mitto mitto laˈanni coyiˈri.