Huwatate qarrisannokki lawishsha doori. Yesuusi gede, jajjabbanna hawa gede huwantannikki coye xawisate rosantino coyibba horoonsiˈri. Lawishshu huwatate qarrisanno gede assannore aanaho leddooti. Macciishshaanote coyi gurchaawannokki gede, coyiˈratto lawishshi shiqishshanni nootto rosi ledo xaadannoronna teˈee buuxi.

Macciishshaanote daafira hedi. Macciishshaano assitannorinna baxxannori ledo xaadooshshe afiˈrino lawishsha doori. Coyiˈratto lawishshi macciishshaano saalfattannonna koffi yitanno gede assannoha ikkannokki gede qorophi.

Qara roso xawisi. Lawishsha horoonsiˈra hasiissannohehu shiimmaadda coye ikkikkinni qara hedo xawisateeti. Rosiisatto manchi lawishsha calla ikkikkinni qara roso qaagganno gede assi.