Koye yini mangiste hiitteetiro kulte afattoe?— Ee, Maganu Mangisteeti; tini Mangiste uulla gannate ikkitanno gede assitanno. Tenne Mangistere ledde afa hasiꞌratto?—

Baalante mangistera nugusu no. Nugusu gobbasira noo manna gashshanno. Maganu Mangiste Nugusi ayetiro afootto?— Yesuusi Kiristoosiiti. Isi iima heeꞌranno. Isi muli yanna giddo uullate noo manna baalanka gashshanno! Yesuusi uullate aana Nugusa ikke gashshanno wote hagiirraamma ikkineemmoha lawannohe?—

Hakkawote lowo geeshsha hagiidhineemmo! Gannatete giddo mannu digiwamanno woy diolamanno. Baalunku manni mimmito baxanno. Xiwanu woy reyo diheedhanno. Ballino manni ille faꞌnantanno, danqootu macciishshitanno, kottitinori woy hadhe affannokkiri qaaffanno hattono kubbitanno. Baalunkura duuwe itanno sagale heedhanno. Saadano insa insaneewa, hattono mannu ledo salaametenni heedhanno. Reyino manni kaꞌꞌanno. Tenne birosherera xaggensa rositto manni giddo batinyu lawishshaho Ribiqa, Reaabi, Daawitinna Eeliyaasino reyotenni  kaꞌanno! Reyotenni kaꞌanno wote insanni xaada halchatto?—

Yihowa ate baxannohe, hattono hagiidhitanni heeꞌrattora hasiꞌranno. Yihoware rosa agura hoogittoronna isira hajajantanni heeꞌrittoro, atino biifado gannatera hegerera heeꞌratto! Ati hattoo heeshsho heeꞌra baxatto?—