ROSO 13
Ximootewosi Manna Kaaꞌla Hasiꞌranno
Biꞌre Ximootewosi yinannihu manna kaaꞌla baxannohu shiimu beetti no. Isi manna kaaꞌlate duucha gobba haꞌrino. Konni daafira, isi hagiirraame heeshsho heeꞌrino. Isi xagge macciishsha hasiꞌratto?—
Ximootewosi amanna ahaahesi isira Yihoware rosiissinosi
Ximootewosi lophinohu Lisxira yinanni katamiraati. Isi danqu noo waro, ahaahesi Loyidinna amasi Ewunqe Yihoware rosiisinosi. Ximootewosi lophiti mannu Yihoware rosanno gede kaaꞌla hasiꞌri.
Ximootewosi shiimu heeꞌreenna, Phaawuloosi ledosi haꞌre wolu qooxeessira sabbakanno gede xaꞌmisi. Ximootewosi, ‘Maahoyye!’ yee qoli. Isi wolewa haꞌre manna kaaꞌlate qixxaawinoho.
Ximootewosi Phaawuloosi ledo Tosolonqe yinanniha Meqedooniyu katama haꞌri. Hakka iillate seeda doogo hadhino, hakkiinnino howolotenni hadhino. Insa marte iillitu gedensaanni, lowo mannira Yihoware rosiissino. Mitu manni kayinni insa hanqe ganara kai. Hakko daafira Phaawuloosinna Ximootewosi agurte hadhe wolewa sabbakku.
Ximootewosi hagiirraame heeshsho heeꞌrino
Haammatu agani gedensaanni, Phaawuloosi Tosolonqe katamira roduuwu noo gara mare laꞌꞌanno gede Ximootewosi soyi. Hakko katamira bushu manni noo daafira galagale hakka haꞌrate worba ikka hasiissanno! Ikkirono, Ximootewosi hakko noo roduuwa mararino daafira insa laꞌꞌara haꞌrino. Hakkiinnino Phaawuloosiwa dancha duduwo haare higino. Tosolonqe katamira noo roduuwi keerella no!
Ximootewosi Phaawuloosi ledo lowo diro loosino. Phaawuloosi mitte hige, songuwa kaaꞌlate Ximootewosi woyyanno yee borreessino. Ximootewosi Yihowano mannano baxannoho.
Ati manna baxatto? Insara Yihoware rosiisa hasiꞌratto?— Hatto ikkiro, atino Ximootewosi gede hagiirraame heeshsho heeꞌra dandaatto!
