GAFA 1
Kalaqotenni Kayise Baote Wayi Geeshsha
Iimanna uulla ayi kalaqi? Arrishsho, agananna beeddahe hattono uullate aana noore duuchchankare kalaqinohu ayeeti? Qullaawu Maxaafi, kuriuu duuchcha kalaqinohu Maganoho yee halaalaancho dawaro aanno. Konni daafira, kuni maxaafi kalaqonnire coyidhanno Qullaawu Maxaafi xaggenni hanafanno.
Maganu umo asse iso labbannore, ayyaanaamo biso afidhinore kalaqino; insano sokkaanote. Uulla kalaqinohu kayinni ninke gedee manniraati. Konni daafira Maganu, Addaaminna Heewani yinannire labbaahanna meyaata kalaqe biifado ikkitino kaashshu basera worinsa. Ikkollana insa Maganoho hajajama hooggino daafira hegerera heeˈra didandiitino.
Addaami kalaqamihunni kayise baote Wayi geeshsha 1,656 diro ikkanno. Tenne yanna giddo batinynyu bushu manni heeˈrino. Iima, illete leeltannokkiri ayyaanaamo biso afidhinori Sheexaanunna busha sokkaanosi no. Uullate aana kayinni, Qaayeelinna wolqaataammu mannooti, hattono batinynyu bushu manni no. Ikkollana hakkawaro uullate aana danchu mannino no; insano Abeeli, Heenookinna Nohiiti. UMI Gafira konni duuchchu mannirenna addi addi ikkitore ronseemmo.
KONNI GAFIRA
XAGGE 1
Maganu Addi Addi Kalaqo Kalaqa Hanafi
Kalaqote daafira kultanno xagge lowo geeshsha xagge ikkitannote—wedellu nafa xagge assidhanno.
XAGGE 2
Biifado Kaashshu Base
Kalaqamu maxaafi kulannonte gede, Maganu Edenete kaashshu base baxxino bayicho asse kalaqino. Maganu baatto wo’ma biifado kaashshu base gedeeta ikkitara hasiˈranno.
XAGGE 3
Umi Labbaahanna Meyata
Magau Addaaminna Heewani edenete heedhanno gede kalaqinonsa. Insa umo adhaminoreeti.
XAGGE 5
Mitiimmaame Heeshsho Hanaffu
Addamiranna heewanira edeneta gobbaanni lowo qarri iillinonsa. Insa Maganoho hajajantoommeo insanna oosonsa heeshso dancha ikkitannohu baino.
XAGGE 6
Dancha Beettonna Busha Beetto
Kalaqamu maxaafi giddo nooti Qaaeelinna Abeeli xagge hiittoo manna ikka hasiissannonkeronna Maganu kakkalonke adhara hasi’nummoro balanxe akatanke biddi assi’ra hasiissannonketa kultanno.
XAGGE 7
Worba Mancho
Heenooki worbimma qooxeessikkira noo manni bushare assannoha ikkirono ati kayi danchare assa dandaattota leellishshanno.
XAGGE 8
Uullate Aana Heedhinore Jigeeyye Manna
Kalaqama 6 manna qarrisse itannori jigeeyye mannire kultanno. Insa Nifileemete yinanni; insa iimi bayichonsa agurte uullate heedhino sokkaasine oosooti.
XAGGE 9
Nohi Markaawe Seekki
Mannu macciishsha giwirono Nohinna maatesi Maganoho hajajante baote wayinnn gattino.
XAGGE 10
Baote Waa
ohi waro noo manni qorowishsha macciishsha giwino. Kayinni xeena gana hanafita insa diosoli’tino! Nohi markaawe nohi, maatesinna saada gatissino gara rosi.