GAFA 5
Baabiloone Qafadonni Kayise Yerusalaamete Huxxa Galagale Huxxate Geeshsha
Isiraeele qafadante Baabiloonete noo waro ammanansa lowori fonqolino. Sidiraaqi, Misaaqinna Abidinaago wala yitanno giirara tungooni; Maganu kayinni giirate giddonni gatise fushshinonsa. Hakkiinnino, Meedooninna Faarsi yinanni gosa Baabiloone qeeltu gedensaanni, Daanieeli doobbiyu balera tungi; Maganu kayinni doobbiyu afoo cufe gatisinosi.
Goofimarchoho Faarsi nugusi Qiroosi, Isiraeele qafadotenni fushshi. Insano qafadante Baabiloone hadhuhunni 70 diri gedensaanni gobbansa higgu. Yerusaalame higganni heedhenni balaxxe assitinori giddo mittu, Yihowa mine minate. Ikkollana kayinni Diinnansa hakkawotenni konne looso loossannota hooltu. Konni daafira, Isiraeelete gosa Maganu mine minte guddinohu Yerusaalame higguhunni 22 diri gedensaanniiti.
Aanchine Izira Yerusaalame hige Maganu mine biifisino gara ronseemmo. Kuni ikkinohu Maganu mini miname goofihunni 47 diri gedensaanniiti. Hakkiinnino Izira Yerusaalame higihunni 13 diri gedensaanni, Nehimiya diigaminoha Yerusaalamete huxxa layinkimeeshsho huxxa kaaˈlino. ONTIKKI Gafi 152 diri xagge amadino.
KONNI GAFIRA
XAGGE 78
Angatenni Borreessinoonnita Girgiddu Aani Borro
Masaalaanchu Daanieeli shoolu qaali tiro kulino.
XAGGE 79
Daanieeli Doobbiyu Balera tungi
Daanieeli reyanno gede hajanjoonni, ikkina isi asse afannori no?
XAGGE 80
Maganu Manni Baabiloonetenni Fuli
Faarsi Moote Qiroosi mitte masaalo wo’mitanno gede assino.
XAGGE 81
Maganu Kaa’lo Addaxxa
Israeele Maganu Seera agadhate mannu seera gibbino. Maganu insa maassirannonsa ikka?
XAGGE 82
Merdookiyoosinna Asteeri
Mootitte Asxiini xumate, ikkirono Moote Ahashiweroosi ise agure Asteeri mootitte assino. Mayira?
XAGGE 83
Yerusalaamete Huxxa
Huxxa galagalte mintanno woyite loosaasine loosu uduunnensanna hashsha barra qixxeessi’ra hasiissannonsa