GAFA 6
Yesuusi Ilamanni Kayise Reyosi Geeshsha
Gabirieeli yinanni sokkaancho Maariyaami yinannitewa xuma beettowa sonkoonni. Isino Maariyaami qaaqqo iltannotanna hakku qaaqqino hegerera moohannota kulise. Yesuusi hadiro ilamino; ilaminowa allaalaasine dagge laˈusi. Gedensaannino mitte beeddakko Soojjaatinni manna massagge konni qaaqqiwa abbitu. Konni mannira hatte beeddakko leellishinohu ayeetironna, Yesuusi shinasira gannoonni ganonni gatinohu hiittoonniitiro albaange ronseemmo.
Hakkiinni aanchine, Yesuusi 12 diro ikkisita Maganu mine mare rosiisaanote ledo hasaawinota ronseemmo. Kuni ikkihunni tonaasettu diri gedensaanni Yesuusi cuuami. Hakkiinnino Maganu mangistere farciˈranna rosiisa hanafi; Maganu Yesuusa uullara soyinohu konne looso loosaraati. Yesuusi konne looso kaaˈlannosi gede 12 manna doore hawaariyaatesi assiri.
Yesuusi lowo maalaleno assino. Kumunni kiirranni manna shiima qulxuˈmenna shiima tima itise duushshino. Xiwantinore hursino; reyitinore nafa kayisino. Gedensaannino, Yesuusira heeshshosi goofimarchira iillinosiha duuchcha qarranna shinisi gara ronseemmo. Yesuusi sase dironna darate ikkitanno yanna Maganu mangistere farciˈrino; konni daafira LEEKKI GAFI 34 diro saˈanno yanna giddo ikkitino xagge amadino.
KONNI GAFIRA
XAGGE 84
Mittu Sokkaasinchi Maariyaami Coyishiishi
Isi Maganu yiinore kulinose: Maariyaami hegerera moote ikkanno qaaqqo iltaraati.
XAGGE 86
Mitte Beeddakko Manna Massaggu
Kuri manni Yesuusiwa dagginohu hiittoonniiti? Tenne xa’mo dawaro dhagge ikkitahera dandiitanno.
XAGGE 88
Yoohaannisi Yesuusa Cuui
Yoohaannisi cubbaataamma cuuino; Yesuusi kayinni cubbo diloosino.Yoohaannisi iso cuuinosihu mayiraati?
XAGGE 90
Wayi Balewa Xaadino Mancho Ledo
Yesuusi aanno wayi tini mancho horo goodhannokki gede assannosehu hiittoonniiti?
XAGGE 93
Yesuusi Lowo Manna Itisi
Yesuusi lowo manna maalaletenni itise hiittenne lowo geeshsha hasiissanno hajo rosiisino?
XAGGE 94
Yesuusi Qaaqquulle Baxanno
Yesuusi rosaanosi shiima qaaqqo la’e lowore rosa hasiissannonsata rosiisinonsa.
XAGGE 95
Yesuusi Rosiisino Gara
Yesuusi Samaariyichu manchi daafira kulanno lawishsha duucha hige horoonsi’rino.
XAGGE 99
Fooqete Mini Giddo
Yesuusi rosaanosira konne baxxino ayyaana diru kiiro ayirrissanno gede kulinoohu mayiraati?