GAFA 7
Yesuusi Kaonni Kayise Phaawuloosi Usurami Geeshsha
Yesuusi reyihunni sayikkita kai. Reyotenni kai barra, rosaanosira onte hige leellino. Yesuusi insara 40 barri geeshsha duuchchaage leellino. Hakkiinnino gama rosaanosi laˈanna iimira haˈri. Tonnu barri gedensaanni, Maganu Yerusaalamete agartanni noorira Yesuusi rosaanora qullaawa ayyaana dirrisi.
Gedensaanni Maganu diinna, hawaariyaate usuru minira eessitu; mittu sokkaanchi kayinni usuru mininni fushshinsa. Yesuusi rosaancho Isxifaanoosi diinna kinnatenni gante shitu. Ikkollana Yesuusi tenne diinna giddo mitto hiitto asse doodhinoronna, hakku manchi hiitto ikke hawaariya Phaawuloosi ikkinoro ronseemmo. Hakkiinnino, Maganu Yihudootu wido ikkinokkihura Qornelewoosiranna maatesira farciˈranno gede hawaariya Pheexiroosi soyi; kuni ikkinohu Yesuusi reyihunni sasu dirinna daratu gedensaanniiti.
Tonaasasu diri gedensaanni, Phaawuloosi umita farciˈrote harinshosi hanafi. Layinkita farciˈrara haˈri wote Ximootewosinni xaadino. Phaawuloosinna ledosi hadhinori Maganoho soqqantu yannara lowo hagiirre hiittonni afidhinoro ronseemmo. Goofimarchoho Phaawuloosi Roomu katamira usuramino. Lamu diri gedensaanni tidhamino, ikkollana galagalle usurre shinoonnisi. Lamalki GAFI 32 diri xagge amaddino.
KONNI GAFIRA
XAGGE 102
Yesuusi Reyotenni Kai
Sokkaasinchu Yesuusi waammoonniwinni kincho kayisita agartanno giddo mitturino nookkita la’e massino.
XAGGE 103
Qulfe Gannoonni Minira
Yesuusi rosaanosi isi reyotenni kaihu gedensanni qaagginosikkihu mayiraati?
XAGGE 106
Usuru Mininni Fultu
Yihudunnire amma’note massagaano Yesuusi rosaano sabbakkannota hoolate wo’naaltino.
XAGGE 110
Phaawuloosiha Haaro Kaa’laancho Ximootewoosi
Ximootewoosi, Phaawuloosi ledo dhagge ikkannoha sabbakate looso loosate minesi agure haˈrino.
