Gafa 12 Bitima
Yesuusi mannaho iimi Mangiste daafira rosiisino. Qoleno isi Maganu suꞌmi qullaawanno gede, Mangistesi dagganno gedenna fajjosi uullate aana woꞌmitanno gede huuccidhe yee rosiisino. Ooso iloottoha ikkiro, qaaqqikkira tini huuccatto afidhino tiro xawisse kuli. Yesuusi, Sheexaanu Maganoho ammanamannokki gede assasira diwodhino. Yesuusi soqqamaasinesi doorino; insa Maganu Mangistera xinta ikkitino. Yesuusi halaalu magansiꞌrara diinaggaawino gara wodanchi. Isi manna kaaꞌla baxanno daafira, xiwantinore hursino, hudidhinore itisino, wole agurina reyitinore nafa kayisino. Isi loosino maalalenni Maganu Mangiste mannu oosora assitannore leellishino.
KONNI GAFIRA
Yesuusi Mesihicha Ikki
Yohaannisi Yesuusa Maganu Geꞌrecho yiinohu mayiraati?
Daawuloosi Yesuusa Fonqoli
Daawuloosi Yesuusa sase hige fonqolino. Kuni sasunku fonqoli maati? Yesuusi hatte yannara maa assino?
Yesuusi Qullaawa Mine Keereensi
Yesuusi qullaawu mininni saada fushshe shorrinohunna woxe soorritannori xarapheeyye galchinohu mayiraati?
Yesuusi Buichonniwa Xaadino Mancho
Samaariyu mancho Yesuusi hasaawisinose daafira dhagge assidhino. Mayira? Yesuusi wolu mannira kulinokkire isera maa kulinose?
Yesuusi Maganu Mangiste Daafira Sabbakino
Yesuusi rosaanosi giddo mitu ‘qulxuꞌme woshshaaddannore’ ikkitannota coyiꞌrino. Yannate gedensaanni qole isi harunsaanosi giddo 70 doore dancha duduwo dudubbanno gede soyino.
Yesuusi Lowo Maalale Loosi
Yesuusi haꞌriwa baalawa xiwamino manni hoodesi haꞌre hursannonsa gede xaꞌmiꞌreenna hursinonsa. Wole agurina isi reyitinore nafa kayisino.
Yesuusi Tonaa Lame Soqqamaasine Doori
Yesuusi insa doorinohu maa assitanno gedeeti? Ati insa suꞌma afootto?
Yesuusi Ilaalu Aana Rosiisi
Yesuusi gamba yiino mannira kaajja roso rosiisino.
Yesuusi Rosaanosira Huuccatto Assidhanno Gara Rosiisino
Yesuusi rosaano huucciꞌra dandiitanno coyibba hiikkuriiti?
Yesuusi Lowo Manna Itisino
Tini maalale Yesuusinna Yihowa daafira maa rosiissannonke?
Yesuusi Wayi Aana Haꞌri
Yesuusi soqqamaasine isi wayi aana haꞌranna laꞌu yannara mayi macciishshaminonsaro afootto?
Yesuusi Sambatunni Xiwantinore Hursino
Mitu manni tennera giiraminohu mayiraati?
Yesuusi Aliaazaari Reyotenni Kayisi
Yesuusi Maariyaami wiꞌlitanna lae isino wiꞌlino. Ikkollana shiima yanna giddo dadillinsa hagiirreho soorramino.
