Gafa 6 Bitima
Israeele Hexxote Gobba iillituta, qullaawu dunkaani Magano magansiꞌnanni darga ikki. Kakkalaano Maganu Seera rosiissanno, hattono daanyootu manna massagganno. Konni gafira, mittu manchi assanno coyi wole manna kaaꞌlara woy gawajjara dandaanno gara ronseemmo. Mittu mittunku Israeelete gaꞌre ikkino manchi Yihowaranna mannaho ammanama hasiissinosi. Diboora, Naaoomi, Iyyaasu, Haanna, Yoftahe beettonna Saamueeli assinori manna kaaꞌlinohu hiittoonniitiro xawisi. Mitu Israeele ikkinokki manni lawishshaho, Reaabi, Ruuti, Iyaeelinna Gebaooni manni Yihowa Israeelete daga ledo noota affino daafira insara haꞌlitinota xawisse kuli.
KONNI GAFIRA
Yihowa Iyyaasu Doori
Yihowa Iyyaasura uyino biddishshi xaa yannara ninkerano kaaꞌlannoho.
Reaabi Qotaano Maaxxu
Iyyaarkote gimbe diigantu. Reaabi mini katamu huxxi ledo xaade nooha ikkirono didiigamino.
Iyyaasunna Gebaooni Manna
Iyyaasu ‘Yihowa, arrishsho noowa uurritanno gede assi’ yee huucciꞌrino. Maganu huuccattosi macciishshi ikka?
Haaro Massagaanchonna Lame Worbuulle Meento
Iyyaasu reyita, Israeele kaphu maganna magansiꞌra hanaffino. Konnira insa qarrantino; ikkollana Daanyu Baarqinna masaalaancho Diboora, hattono Iyaeeli Israeele kaaꞌlitino.
Ruutinna Naaoomi
Galte shiiꞌrinori lame meenti Israeelete gobba higino. Kuri meenti giddo mitte yaano Ruuti, gide xinqidhara martinowa Booeezinni xaaddino.
Gedewooni Midiyaami Daga Qeeli
Israeele Midiyaami daga waaddunsata, Yihowawa higge raartino. Gedewooniti shiima olanto 135,000 ikkitannota Midiyaami olanto qeeltinohu hiittoonniiti?
Haanna Magano Qaaqqo Uyie Yite Huuccidhino
Hilqaana, minaamuwisi Finaananna Haanna, hattono oososi ledo Magano magansiꞌrate Seelo noohu qullaawu dunkaaniwa haꞌranno. Hakkiicho Haanna ila aasera Yihowa huuccidhino; mittu diri gedensaanni Saamueeli iltino!
Yofitahe Eino Qaale
Yofitahe mayyee qaale eino? Yofitahe beetto annise eino qaale kuliseta maa assitu?
Yihowa Saamueeli Hasaawisi
Kakkalaasinete biili Eeli ooso qullaawu dunkaanira soqqantannoha ikkirono, insa Maganoho dihajajantino. Wedellichu Saamueeli kayinni insa gede diꞌꞌikkino. Mitto hashsha Yihowa Saamueeli hasaawisinosi.
Yihowa Samisoni Wolqaataamo Assino
Maganu Samisoni Filisxeemete ledo olamanno gede wolqa uyinosi; Samisoni kayinni balala gede ikkino daafira, Filisxeeme amaddinosi.
