Xaa Yannara Yihowa Fajjo Assitanni Noori Ayeooti?

Yihowa Farciꞌraasine alame woꞌmate aana no; qoleno addi addi gaꞌrenni gamba yitinoreeti. Konne babbaxxino manna mitto assinonsari maati?

Maganu Fajjo Maati?

Maganu uulla woꞌmate noo manni fajjosi afara hasiꞌranno. Fajjosi maati? Xaa yannara fajjosi mannaho kultanni noori ayeooti?

ROSO 1

Yihowa Farciꞌraasine Hiittoo Mannaati?

Yihowa Farciꞌraasine giddo meꞌꞌe egennootto? Ninke daafira maa maa afootto?

ROSO 2

Yihowa Farciꞌraasine Yaamammeemmohu Mayiraati?

Konni suꞌminni woshshama hananfoommohu mayiraatiro afate nabbawi.

ROSO 3

Qullaawu Maxaafi Halaali Galagale Xawo Fulinohu Hiittoonniiti?

Qullaawu Maxaafi yaannore garunni huwantoommota mayinni afa dandiineemmo?

ROSO 4

Haaro Alame Tiro Qixxeessinoommohu Mayiraati?

Tini Maganu Qaali tiro wole tironni baxxitannohu mayinniiti?

ROSO 5

Gambooshshenke Dayittoro Maa Afiꞌratto?

Maganu Qaale rosatenna mimmito jawaachishate gamba yineemmo. Gambooshshenke dayittoro tashshi yaannonke!

ROSO 6

Ammanate Roduuwinkewa Aana Maaho Kaaꞌlitannonke?

Maganu Qaali Kiristaanu mimmitu ledo gamba yaanno gede amaalanno. Togoo gambooshshi kaaꞌlannohehu hiittoonniiti?

ROSO 7

Gambooshshinke Yannara Maa Maa Assinanni?

Gambooshshinke yannara maa maa assinanniro hedde egennootto? Gambooshshinkewa ronseemmohu kaajju Qullaawu Maxaafi rosi dhagge ikkannoheta dihuluullammeemmo.

ROSO 8

Gambooshshinke Yannara Dancha Gede Uddiꞌneemmohu Mayiraati?

Banxummo gedee uddano uddiꞌnummorono Maganu hagiidhanno yaateni? Qullaawu Maxaafihu xintu seeri uddiꞌranke seekkiꞌrate kaaꞌlannonke gara huwati.

ROSO 9

Gambooshsheho Seekkine Qixxaawa Dandiineemmohu Hiittoonniiti?

Gambooshshinkera balaxxe qixxaawittoro roore horo afiꞌratto.

ROSO 10

Maatete Magansiꞌra Maati?

Tini qixxaawo Maganunniwa shinqeemmo gedenna maatete mittimma heedhanno gede kaaꞌlitanno gara rosi.

ROSO 11

Jajjabba Gambooshshe Haꞌneemmohu Mayiraati?

Diru dirunku, sasu jajjabbu gambooshshira gamba yineemmo. Togoo gambooshshi kaaꞌlannohehu hiittoonniiti?

ROSO 12

Sabbakate Loosonke Loonseemmohu Ma Garinniiti?

Sabbankeemmohu Yesuusi uullate aana noo waro sabbakino garinniiti. Tenne doogga giddo mite hiikkuriiti?

ROSO 13

Suwisaanchoho Yaa Mayyaate?

Mite Yihowa Farciꞌraasine aganu giddo 30, 50, woy hakkiinni saꞌino saate sabbakkanno. Konne assitannohu mayiraati?

ROSO 14

Suwisaanote Hiittoo Qajeelsha Qixxeessinoonni?

Maganu Mangiste loosira yannansa gudisse uyitino suwisaanora qixxeessinoonnihu baxxino qajeelshi hiikkonneeti?

ROSO 15

Cimeeyye Songote Giddo Soqqantannohu Hiittoonniiti?

Cimeeyye songote giddo albisa ikkite soqqantannoreetinna ayyaanaamittetenni gikki yitino labballooti. Insa kaaꞌlitannonkehu hiittoonniiti?

ROSO 16

Songote Soqqamaano Loosi Maati?

Songote soqqamaano songo addi addi doogonni kaaꞌlitanno. Insa loossanno loosi baalanka kaaꞌlannohu hiittoonniitiro rosi.

ROSO 17

Woradu Aliidi Laꞌꞌaano Kaaꞌlitannonkehu Hiittoonniiti?

Woradu aliidi laꞌꞌaano songo towaattannohu mayiraati? Insa towaanyonni horo afiꞌra dandaattohu hiittoonniiti?

ROSO 18

Qarru Giddo Noo Roduuwanke Kaaꞌlineemmohu Hiittoonniiti?

Dano iillitanno woyite, gawajjamino manna kaaꞌlatenna ayyaanaamittetenni sheshifachishate ranke iillineemmo. Konne assineemmohu hiittoonniiti?

ROSO 19

Ammanaminohunna Wodanaamu Borojjichi Ayeti?

Yesuusi ayyaanaamittete sagale yannante shiqishanno borojjicho shoomeemmo yiino. Isi konne assinohu hiittoonniiti?

ROSO 20

Yannankera Aliidi Bisi Loosannohu Hiittoonniiti?

Umi xibbi diro, cimeeyyenna soqqamaasine amaddinoti shiima gaamo Kiristaanu songora aliidi biso ikkite soqqantino. Xaa yannarana?

ROSO 21

Beeteele Maati?

Beeteele lowo looso loonsanniho baxxino bayichooti. Hakko soqqamanno mannire ledde rosi.

ROSO 22

Sinu Biirora Maa Maa Loonsanni?

Mannu sinu biironke baalanta daye daaꞌꞌata dandaanno. Atino dagge laꞌꞌattora koyinsoommohe!

ROSO 23

Borronke Qixxeessinannihunna Wolu Afiira Qolle Tirrannihu Hiittoonniiti?

Ninke 750 saꞌꞌanno afiinni borro qixxeessineemmo. Kageeshshi looso loonseemmohu mayiraati?

ROSO 24

Alamete Doyicho Loosinkera Woxe Afiꞌneemmohu Hiikkiinniiti?

Woxe fushsha lainohunni dirijjitenke wole ammaꞌnowiinni baxxitannohu hiittoonniiti?

ROSO 25

Gambooshshu Addaraashe Miꞌnineemmohu Mayiraati? Hiittoonni?

Gambooshshu Addaraashuwanke songonkera kaaꞌlitannohu hiittoonniitiro ledde rosi.

ROSO 26

Gambooshshu Addaraashenke Feyanna Gatamara Kaaꞌla Dandiineemmohu Hiittoonniiti?

Gambooshshu Addaraashenke ishinu nookkitanna laꞌꞌate baxissannota assa Maganinke ayirranno gede assitanno. Addaraashe feyatenna gatamarate mayi qixxaawo assinoonni?