Yihowa manni ledo sayisoottota hagiirsiissanno yanna, lawishshaho jawaachishannoha songote gambooshshe, tashshi assannoha jawa gambooshshe, soqqantanni afiˈroottoha hagiirsiisanno woˈnaalsha, woy ammanate rodiikki ledo dancha gede hasaawootto yanna qaagge egennootto? Ati Yihowa dihawootto; isino ate dihawinohe. Isi ammanante soqqamootto soqqansho qaaganno wote hagiidhanno. Qoleno isiwa higatto gede kaaˈlahera quqquxamanno.

Yihowa togo yiino: “Ani umiˈya geˈreewoˈya hasiˈreemmo; qoleno towaateemmonsa. Billaallino geˈreewosi hase abbe itisanno allaalaanchi gede anino geˈreewoˈya towaateemmonsa. Billaallitino bayichi baalunkunni gatise abbeemmonsa.”—Hiziqeeli 34:11, 12.