Yihowa manni ledo sayisoottota hagiirsiissanno yanna, lawishshaho jawaachishannoha songote gambooshshe, tashshi assannoha jawa gambooshshe, soqqantanni afiꞌroottoha hagiirsiisanno woꞌnaalsha, woy ammanate rodiikki ledo dancha gede hasaawootto yanna qaagge egennootto? Ati Yihowa dihawootto; isino ate dihawinohe. Isi ammanante soqqamootto soqqansho qaaganno wote hagiidhanno. Qoleno isiwa higatto gede kaaꞌlahera quqquxamanno.

Yihowa togo yiino: “Ani umiꞌya geꞌreewoꞌya hasiꞌreemmo; qoleno towaateemmonsa. Billaallino geꞌreewosi hase abbe itisanno allaalaanchi gede anino geꞌreewoꞌya towaateemmonsa. Billaallitino bayichi baalunkunni gatise abbeemmonsa.”—Hiziqeeli 34:11, 12.