Maganu Ate Daafira Hedanno
QULLAAWU MAXAAFI Maganu uyinonke Maxaafa ikkino daafira taalle nookki amaale amadino. Fayyimmate biddishsha kulanno maxaafa ikka hoogirono, giddosi noo amaale yaandeemmonna xissiisiꞌneemmo gede assannonkere, gara ikkitinokki hedo, hattono surretenna ordu fayyimma hunannore gargadhate kaaꞌlitannonke.
Wolentenni Qullaawu Maxaafi, Kalaqaanchinke Yihowa a hedonkenna wodaninke xisso aye manchinni roore seekke afannota kule jawaachishannonke. Maganu Yihowa iillannonke qarra baala dandiine saꞌneemmo gede ninke kaaꞌlate quqquxamanno. Hanni sheshifachishannoha lame Qullaawu Maxaafi qummeeshsha laꞌno:
“Kaaliiqi dadillunni hiiqqantinorira mule noonsa; hexxo hoogginore gatisannonsa.”—FAARSO 34:18.
“Qiniiticho angakki irkiseemmohe; ‘Kaaꞌleemmohena waajjitooti’ yeemmohehu, Maganikki ani Kaaliiqaati.”—ISAYAASI 41:13.
Ikkina Yihowa surrete xisso dandiine heeꞌneemmo gede kaaꞌlannonkehu hiittoonniiti? Aananno birxichira laꞌneemmonte gede, Yihowa ninke daafira godowinta hedannota addi addi doogganni leellishinonke.
a Yihowa Maganu suꞌmaati.—Faarso 83:18, Haaro Alame Tiro.
