ROOWETE soodo Arfaasa 24, 2018nni Ameerikahonna Kanaadaho nooti Beeteelete maate mitto hagiirsiisanno egensiishsha yaano Roduu Kenezi Kuuki Yihowa Farciˈraasinehu Aliidi Bisi miila ikke shoomaminota macciishshitino.

Roduu Kuuki ilame lophinohu Ameerikaho mereeri-wodiidi Pensiliveeniyiraati. Isi halaale rosinohu layinki dirimi roso gudara shiima yanna gatte heedheenna ledosi rosannohuwiinniiti; hakkiinni isi Ella 7, 1980nni cuuamino. Isi Wocawaaro 1, 1982nni woˈma yanna suwisaancho ikkino. Lame diro suwisaancho ikke soqqami gedensaanni, Birra 12, 1984nni kayise Niwu Yorkete Birukiliini noo Beetelera soqqamanno gede koyinsoonnisi.

Hakkuyi gedensaanni Roduu Kuuki 25 diro Borro Attammanni Kifileranna Beeteelete Biiro yinanni kifilera loosino. Isi 1996nni Jeemi yinanni rodoo adhino; hakkiinni ise ledosi Wolkiili Beeteelera soqqama hanaffino. Sadaasa 2009nni lamunku Paaterseni nooha Agarooshshu Shaeha Rosu Xaawa haˈrino; hakkiicho roduu Kuuki Sokkate Kifilera soqqama hanafino. Dotteessa 2016nni shiima yanna geeshsha Wolkiili keeshshi gedensaanni Niwu Yorkete Birukiliini soqqama hanafino. Ontu agani gedensaanni insa Niwu Yorkete Worwiiki yinanniwa Yihowa Farciˈraasineta qara biiro haˈrino. Arfaasa 2017nni Roduu Kuuki Aliidi Bisite Borrote Komite kaaˈlaancho ikke soqqamanno gede shoommoonnisi.