Yihowa, mitteenni gamba yine songote gambooshshiwa, woradu gambooshshiwanna qoqqowu gambooshshiwa calla ikkikkinni annu annu deerrinninna maatete deerrinnino magansiꞌneemmo. Aanchine kulloonni hedo hojju xiinxallonna maatete magansiꞌra assiꞌratto gede kaaꞌlitannohe:

• Songote gambooshira qixxaawi. Gambooshsheho qixxaawatto woyite, faarso rosiisiꞌranna miniꞌne manni gambooshshunniwa dawaro qolate qixxaawanno gede kaaꞌla dandaatto.

• Qullaawu Maxaafi xagge nabbawi. Hakkiinni xaggete giddo kulloonni ikkito leellishshanno misile kayisi woy maa rosoottoro borreessiꞌri.

• Qullaawu Maxaafi giddo kulloonni huuccatto daafira xiinxalli; hakkiinni tini huuccattokki woyyeessiꞌratto gede kaaꞌlitannohe gara hedi.

• JW.ORG aana noo viidiyo lai; hakkiinni viidiyote daafira wolootu ledo hasaawi woy viidiyotenni maa rosoottoro borreessi.

• Soqqanshote qixxaawi; lawishshaho minikki manni giddo mittu ledo rosiisiꞌra dandaatto.

• Kalaqama laꞌe hiinci woy kalaqamu Yihowa daafira maa rosiisannoro hedi. a