Ninke giddo batinyu gede aterano xiinxalloottore qaaga qarra ikkitinoheha ikkara dandaanno. Ikkirono, Yesuusi horoonsiꞌranno lawishshuwa qaagate qarrissannokkita ikkitinota huwatootto? Kuri lawishshuwa qaagate isi rosiisi waro noottohu gede assite heda dandaatto. Xiinxallitanni noottore qaagate hatto assa dandaatto. Tenne assa dandaattohu hiittoonniiti? Xiinxallatto woyite misile kayisa kaaꞌlitannohe.

Rosinoha haaro roso qaagate misile kayisanno manni duucha woyite hakkonne roso dihawanno. Hatto assansa qaalla calla ikkikkinni qara hedo qaagate kaaꞌlitannonsa. Insa kayissanno misile ogeessu manchi kayisannota ikkitukkini rossinore qaagate kaaꞌlitannotella. Tini hayyo roorenkanni jajjabbu mannira kaaꞌlitanno.

Aantanno yannara xiinxallatto woyite, rosoottore qaagate misile kayisa dandaatto. Mageeshshi geya qaagoottoro afittoro dhagge assiꞌrattora dandaatto!