Muli yannara fultinota Agarooshshu Shae metseetta seekkite nabbawootto? Hanni aante noo xaˈmuwara dawaro qolate woˈnaali:

Faarso faarsate dandoonke woyyeessiˈrate kaaˈlannonkehu shoolu coyi maati?

Hossi yine uurrine, faarsote maxaafanke gotti assine amada dandiineemmo. Qoleno garunni foola hasiissannonke. Afoonke seekkine fanneemmoha ikkiro, huuronke naggi assine faarsa dandiineemmo.—w17.11, qool. 5.

Israeelete gobbara eeggote katamma noo bayichinna tenne katammawa massitanno doogga dhagge ikkitannote yineemmohu mayiraati?

Israeelete gobbara lee eeggote katamma no; kuri katammawa massitanno doogga woˈmanka woyite seekkinota ikkitanno gede assinanni. Konnira mittu manchi qarramikkinni rahe eeggote katama iilla dandaanno.—w17.11, qool. 14.

Addu wolapho afiˈra dandiineemmohu hiittoonniiti?

Yesuusi qaale einonke garinni wodote kakkalosi woˈmunni woˈma loosu aana hossanno woyite addu wolapho afiˈneemmo. Yesuusi roso harunsanke hagiirrunna harshammo woˈmitino heeshsho heeˈrate kaaˈlitannonke.—w18.4, qool. 6-7.

Faarso 118:22 Yesuusi kao daafira maa kultannonke?

Ayihude Yesuusa mishshe isi Mesihicha ikkinota ammana gibbino, hattono shitinosi. Yesuusi “woˈmunkura umo” woy dhaawate kincho ikkate reyotenni kaˈˈa hasiissinosi.—w17.12, qool. 9-10.

Mesihichu sirchi wido ikkannohu bayirreenyu qoosso noonsa manna callahoni?

Bayirreenyunni Mesihichu sirchi wido ikkino manni nooha ikkirono, Mesihichu sirchi wido ikkannohu bayirreenyu qoosso noonsa manna calla diˈˈikkino. Isseyi beetti Daawiti annisira bayira diˈˈikkino; ikkirono, Mesihichu ilaminohu Daawiti sirchi widoonniiti.—w17.12, qool. 14-15.

Qullaawu Maxaafi giddo noohu mitu hikkiminnu biddishshi hiikkonneeti?

Muse Seeri giddo mitu dhibbi amadinonsa manni wolunniwa gamba yaannota hoolloonni. Reeshsha kisino manchi hayishshiˈra hasiissannosi. Hakku Seeri shumate ofollini gedensaanni bale umme bushsha aanaho gannanni gede kulanno. Qoleno labbaa qaaqqo ilamihunni settita barcinshiisha hasissannota kulanno; togo assa mundee rakke uurritanno gede assitanno.—wp18.1, qool. 7.

Quwa saˈnummokki ninkeneeto baxa bunshe diafidhino yineemmohu mayiraati?

‘Manna baala uminke gede assine baxa’ hasiissannonke. (Maq. 12:31) Minaannuwu ‘minaamuwansa uminsa manninate baxxanno garinni baxa’ hasiissannonsa. (Efe. 5:28) Mitu manni kayinni umonsa quwa sae baxanno.—w18.01, qool. 23.

Ayyaanaamittetenni lophate maa assa hasiissannonke?

Maganu Qaale xiinxalla, hiincanna ronsoommore loosunni leellisha hasiissannonke. Qoleno qullaawu ayyaaninni massagamanna wolootu kaaˈlo adha hasiissannonke.—w18.02, qool. 26.

Albillittete yanna daafira afate kiilaanonna ayyaanto amaaˈla gara diˈˈikkitino yineemmohu mayiraati?

Togo yineemmo gede assannonkehu qaru korkaati, Qullaawu Maxaafi togoo assoote hoolanno daafiraati.—wp18.2, qool. 4-5.

Mannu mininsara koyisinkero maa assa hasiissannonke?

Koyishsha adhine dangeemmo yine qaale eˈnoommoha ikkiro, eˈnoommo qaale agadha hasiissannonke. (Far. 15:4) Gari korkaati nookkiha gata dihasiissannonke. Koyisinke manchi lowore qixxeessinoha ikkara dandaanno.—w18.03, qool. 18.

Shoomamino labballi Ximootewoosi lawishsha harunsa dandaannohu hiittoonniiti?

Ximootewoosi wolu mannira hedannoho, hattono ayyaanaamittete coye balaxisiisanno. Isi qullaawa soqqansho diinaggaawe soqqamino, qoleno rosinore loosunni leellishino. Ximootewoosi isonooto qajeelsino, hattono Yihowa ayyaana addaxxino. Songote cimeeyyeno ikko wolootu isi lawishsha harunsa dandiitanno.—w18.04, qool. 13-14.