Muli yannara fultinota Agarooshshu Shae metseetta seekkite nabbawootto? Hanni aante noo xaˈmuwara dawaro qolate woˈnaali:

Buuramino Kiristaana ma garinni laˈˈa hasiissannonke?

Ammanansa naandeemmoha ikkirono insa quwa saˈne dijanjeemmo. Qoleno ‘bokkeesineemmokki’ gede qorophineemmo. (Yih. 16) Hexxonsa daafira ninke laˈannokki haja dixaˈmineemmo.—w20.01, qoola 29.

Yihowa ate bade afinoheta ammanatto gede assinoheri maati?

Qullaawu Maxaafi isi ati ilamattora albaanni afinoheta kulanno. Huuccattokkino macciishshanno. Hedattorenna giddokkita afanno hattono assattori iso hagiirsiisara woy dadillisara dandaanno. (1 Dud. 28:9; Law. 27:11) Yihowa isiwa daatto gede assinohe.—w20.02, qoola 12.

Mamoote coyiˈranna mamoote sammi yaa hasiissannonkero kulanno lawishshi hiikkonneeti?

Yihowa daafira hagiirrunni hasaambeemmo. Mittu manchi qarru giddo tugasira dandaannore assanna laˈnummoro coyiˈra hasiissannonke. Cimeeyye amaale hasiissannonsare amaalate badhera dihigganno. Loosonke agamboonni gobbara sabbakate loosonke loonsanni gara wolootaho dikulleemmo. Fojo ikkino coye mannaho dihasaambeemmo.—w20.03, qoola 20-21.

Iyueeli fooliishsho 2te kulloonni kanchafari Ajuuja fooliishsho 9te kulloonni kanchafarinni baxxinohu hiittoonniiti?

Iyueeli 2:20-29 Maganu kanchafare shorrannotanna kanchafaru gudino jiro qoleemmoˈne yee qaale einota kultanno. Hakkuyi gedensaanni Maganu ayyaanasi dunanno. Tini masaalo Baabiloonete olanto Israeele horritu woyitenna gedensaanni woˈmitino. Yohaannisi Ajuuja 9:1-11 kultanno garinni, kanchafarunni lawinsoonnihu buuramino Kiristaani xaa yannara tenne busha alamera Maganu yiino yoo kulanno; tini alamete wido ikkino manna shetissannonsa.—w20.04, qoola 3-6.

Xaa yannara aliyye moote ayeti?

Ruusiyahonna miillasiiti. Insa sabbakate looso hoolte hattono Yihowa Farciˈraasine gibbannota leellishshe Maganu manna gawajjitino. Aliyye moote wodiidi moote ledo heewisamanni keeshshino.—w20.05, qoola 13.

‘Ayyaanu laalo’ Galatiyu Sokka 5:22, 23te kulloonnite honse akatta callateni?

Deeˈni. Qullaawu ayyaani wole dancha akattano lawishshaho keeraanchimma heedhannonke gedeno kaaˈlannonke. (Efe. 5:8, 9)—w20.06, qoola 17.

Webisayitete aana meessaneeti daafira borreessineemmori woy fushshineemmori abbanno gawajjo giddo mittu maati?

Hakko borreessoottori woy fushshoottori umokki heeshshi assattoha ikkikkinni naaxxaleessa ikkoottota leellishannoha ikkara dandaanno.—w20.07, qoola 6-7.

Kiristaanu mittu qulxuˈme woshshaaxxate fushshiˈrino manchinni maa rosa dandaanno?

Insa duucha woyite qulxuˈme woshshaaxxitannohu qulxuˈme heedhanno baseranna yannaraati. Insa noonsa uduunnicho seekkine horoonsiˈnanni gara rossinoreeti. Ayyarete gari soorramanno woyiteno worbimmatenni loossanno. Ninkeno soqqammeemmo woyite hatto assa dandiineemmo.—w20.09, qoola 5.

Qullaawu Maxaafi rosaanonkera Yihowara noonsa baxilli lexxanno gede kaaˈla dandiineemmoti mite doogga hiikkuriiti?

Qullaawa Maxaafa barru baala nabbabbe hiincitanno gede jawaachisha dandiineemmo. Huuccatto assidhanno gedeno rosiisa dandiineemmo.—w20.11, qoola 4.

“Kiristoosi widoonni mannu baalu heeshsho afiˈranno” yiniri giddo gamu ayeooti?—1 Qor. 15:22.

Soqqamaasinchu Phaawuloosi baalunku manni reyotenni kaˈˈanno yaanni nooha diˈˈikkino. Hatteentenni isi “Kiristoosinni qullaawoota” ikkinohu buuramino Kiristaani daafira kulanni no. (1 Qor. 1:2; 15:18)—w20.12, qoola 5-6.

Buurantinori goofimarchu xurumba ufuunfanni woyite, illete lipheessi giddo soorrantuhu gedensaanni, maa assitanno?—1 Qor. 15:51-53.

Insa Kiristoosi ledo manna siwiilu siqqonni allaaltanno. (Aju. 2:26, 27)—w20.12, qoola 12-13.