Muli yannara fultinota Agarooshshu Shae metseetta seekkite nabbawootto? Hanni aante noo xaˈmuwara dawaro qolate woˈnaali:

Yanna gaaˈmine Yihowa hasaawinseemmoha, isi coyiˈranna macciishshineemmohanna isi daafira hendeemmoha ikkiro mayi horo afiˈneemmo?

Dancha doorsha doodhineemmo, worbuulle rosiisaano ikkineemmo, ammananke kaajjitanno hattono Yihowara noonke baxilli lexxanno.—w22.01, qoola 30-31.

Yihowanna isi shoominore addaxxinummoro mayi horo afiˈneemmo?

Songote cimeeyye uyitannonke biddishshanna assitanno coye huluullama agurre, Maganu assanno coye addaxxa hasiissannonkehu xaati. Bayiru qarri hanafanno woyite, rosaminokkihanna kaaˈlannokkiha lawanno biddishsha uyinanninke woyite nafa hajajammeemmo.—w22.02, qoola 4-6.

Sokkaasinchu Zakkaariyaasira, Gashshaanchu Zerubaabeeli ‘anga tumbe amadinota’ kulinohu mayiraati? (Zak. 4:8-10, NW)

Tini ajuuja Maganu manni qullaawa mine Yihowa hasiˈranno garinni minne gundannita buuxanno gede assitinonsa.—w22.03, qoola 16-17.

Coyiˈneemmo coyinni . . . lawishsha ikka dandiineemmohu hiittoonniiti? (1 Xim. 4:12)

Soqqammeemmo woyite manna shaqqillunninna ayirrinyunni hasaawinseemmo, woˈma giddonni faarsineemmo, gambooshshunniwa ganyine dawaro qolleemmo, noore coyiˈneemmo, woloota dhaawannore coyiˈneemmo hattono xono qorophineemmo.—w22.04, qoola 6-9.

Daanieeli fooliishsho 7te kulloonniri shoole moyichubba woy gashshooti dani Yohaannisi Ajuuja 13:1, 2 kulloonnihu mittu moyichira noota kulloonnihu mayiraati?

Yohaannisi Ajuuja 13te kulloonni moyichi mitto gashshoote yaano Rooma calla riqiwannoha diˈˈikkino. Hatteentenni kuni moyichi mannu ooso gashshinoha baalanka poletiku gashshoote riqiwannoho.—w22.05, guf. 9.

Maganu taashsho addaxxineemmota leellinsheemmoti mitte qara doogo hiitteeti?

Mittu manchi xoninkero, koffi assinkero woy hanqisinkero, kalaqamino coye Yihowa tirannota addaxxineemmo. Isi cubbu abbino gawajjo baala dhaawanno.—w22.06, qoola 10-11.

Songote giddo huuccatto assanno rodii maa qaaga hasiissannosi?

Huuccatto assinanni woyite songo amaala woy egensiishsha kula dihasiissanno. Hakko iso hanafote ‘huuccatto seedisa’ dihasiissanno. (Mat. 6:7)—w22.07, qoola 24-25.

‘Busha loossinorira’ ‘reyotenni kaˈeenna yoo yinanninsahu’ ma garinniiti? (Yoh. 5:29)

Insa alba loossino looso laˈne busha yoo diyinanninsa. Insa reyotenni kaˈuhu gedensaanni akatansanna assootensa seekkine laˈnanni.—w22.09, guf. 18.

Roduu Raazerfordi Wocawaaro 1922nni assinoonni gambooshshiwa maa qaagiissino?

Yunayitidi Isteetisete Seedaari Poyint Ohayo assinoonni gambooshshira isi togo yiino: “Moote gashshanni no! Kiˈne isi sokka dudubbinannireeti. Hakko daafira Mootenna Gashshootesi egensiisse, egensiisse, egensiisse!”—w22.10, qoola 3-5.

Isayaasi fooliishsho 30te Maganu qarra dandiine saˈneemmo gede kaaˈlannonketa hiittenne sase doogo kulloonni?

Tenne fooliishshora, isi (1) huuccattonke macciishshannotanna dawaro qolannota, (2) biddishsha aannonketanna (3) xaano ikko albillitte maassiˈrannonketa kulloonni.—w22.11, guf. 9.

Faarso 37:10, 11, 29 noo masaalo hunda woˈmitino hattono albillitte woˈmitanno yineemmohu mayiraati?

Daawiti coyiˈrino hedo Israeelete yannara lawishshaho, Selemooni gashshooti waro noo atoote dancha gede assite xawissanno. Yesuusi albillitte dagganno gannate daafira kuli woyite kiiro 11 qummi assino. (Mat. 5:5; Luq. 23:43)—w22.12, qoola 8-10, 14.