Annuwanna amuuwaho shaaˈˈa ikkinokkihu qaaqquullensa Yihowa daafira rosiisate qeechi noonsa. (Efe. 6:4) Yihowa dirijjite annuwanna amuuwa kaaˈlate batinye uduunnicho qixxeessitino. Qaaqquulleˈne qajeelsate konne uduunnicho horoonsiˈra dandiitinannihu hiittoonniiti?

• JW.ORG aana hasidhe. JW.ORG aana oosoˈnera qixxeessinoonnihu baalunku uduunnichi, lawishshaho viidiyubbanna addi addi borro no. a Konne uduunnicho afiˈrate hasiˈri yaanno bayicho “Qaaqquulle” yitine borreesse.

• Qaaqqiˈnera malinore doorre. “Qaaqquulle” yaannohu hunda qaaqqiˈnera maltino viidiyo, faarso woy borro doora dandiitinanni.

• Kuri coyibba qaaqquulliˈne ledo hasaabbe. Kuri viidiyubbanna borruwa qaaqquulleˈne godoˈlishiishate calla horoonsidhinoonte. Hatteentenni konne uduunnicho qaaqqiˈnera Yihowa ledo danchu jaaloomi heeˈrannosi gede kaaˈlate horoonsidhe.