Kowiicho kulloonnita Ibiraawootu Afii yaatto lamunku garinni huwata dandiinanni. Konni woroonni noo xawishshi kayinni tenne hedo garunni huwatate kaaꞌlannonke.

1. Tenne faarsora qooxeessaho no hedo. Kiiro 12 kayise 14 kulloonni atoote afidhannori kiiro 11 kulloonni ‘allaggi anganni gatisannonsa gede’ huuccidhu keeraanooti. Kiiro 15 noo hedono tenne leellishshanno; konni qummeeshshira “baꞌraaꞌrinoho” yinihu ‘Yihowa Maganonsa ikkino mannaati.’

2. Hatto yee heda, Maganu ammanantinosire maassiꞌrannota kultannote wole qummeeshshuwa ledo sumuu yitanno. Tini faarso, Faarsaasinchu Maganu Israeele baarigaarransa anganni gatise fushshi gedensaanni hagiirrenna atoote afidhanno gede asse maassirannonsata addaxxannota leellishshanno. (Lew. 26:9, 10; Mar. 7:13; Far. 128:1-6) Lawishshaho, Marro 28:4 togo yitanno: “Godowiꞌne gumi, baattoꞌne laalchi, jajjabbunna hooffille saadaꞌneno maassantanno.” Daawiti beetti Selemooni gashshooti yannara Israeelete daga hakkuyira albaanni afidhe egentinokki salaamenna atoote afidhino. Qoleno Selemooni gashshooti giddo ikkinori giddo mitu Mesihichu gashshooti yannara ikkannore leellishanno.—1 Mot. 4:20, 21; Far. 72:1-20.

Jeefote, Faarso 144 Maganu dagare kultannota huwatanke, woꞌma faarso xawissannohu Yihowa daga lowo diro quqquxante agadhite keeshshitino hexxo roore xabbe leeltannonke gede kaaꞌlitannonke; tini hexxo Maganu bushuulle huni gedensaanni, keeraano salaamenna atoote afidhannota kultannote.—Far. 37:10, 11.