Muli yannara fultinota Agarooshshu Shae metseetta seekkite nabbawootto? Hanni aante noo xaˈmuwara dawaro qolate woˈnaali:

Maganu mararannonketa leellishshannoti Qullaawu Maxaafi taje hiittenneeti?

Hundi Israeele Gibitsete borojje ikkite noo waro, Maganu yaaddonsa laino, hattono mararinonsa. (Ful. 3:7; Isa. 63:9) Maganu daninni kalaqammoommo daafira, ninkeno wolootaho mararro leellisha dandiineemmo. Isi dibaxannonke yine hendeemmo woyite nafa, Yihowa mararannonke.—wp18.3, qoola 8-9.

Yesuusi rosiisino rosi mannu wole mulla kae giwate hedo qeeˈlanno gede kaaˈlannonsahu hiittoonniiti?

Yesuusi waro batinyu Yihudu manni woloota mulla kae giwanno. Kiristoosi umonke heeshshi assa hasiissannotanna meessi sirchi wole roorinohu gede assine heda hasiissannokkita rosiisino. Isi harunsaanosi mimmito roduuwu gede assite laˈara jawaachishino.—w18.06, qoola 9-10.

Maganu Muse Hexxote Gobba eannokki gede assino korkaatinni maa ronseemmo?

Musera Yihowa ledo lubbote jaaloomi noosi. (Mar. 34:10) Israeelete daga halallaho 40 diro jeefisate gambisse heedhe waa hoogge layinkimeeshsho gunguntino. Maganu Muse kinchoho coyiˈranno gede kulinosi. Muse hatto assa agure kincho ganino daafira Yihowa hanqinosi. Maganu Musera hanqinohu hajajosi harunsinokki daafira woy tenne maalalera Isira ayirrinye aa hooginohura ikkara dandaanno. (Kir. 20:6-12) Tini dhagge Yihowara hajajamanna isira ayirrinye aa hasiissannota rosiissannonke.—w18.07, qoola 13-14.

Manna aana laˈne yoo yineemmoha ikkiro soˈnammora dandiineemmohu hiittoonniiti?

Batinyu manni woloota aana lae yoo yaanno gede assannonsahu sasu coyi no; insano: sirchoho woy gaˈrete, jirotenna diroho. Woloota mallaadannokki Magani laˈˈanno garinni laˈˈate sharrama hasiissannonke! (Soq. 10:34, 35)—w18.08, qoola 8-12.

Jajjabbu roduuwi woloota kaaˈla dandiitannoti mite doogga hiittenneeti?

Uyinoonnisi looso soorrinoonnisihu jawu rodii assinore Maganu dihawanno; hattono isi woloota kaaˈlate lowore assa dandaanno. Isi Yihowa Farciˈraasincho ikkinokki minaanna woy minaama, hattono ayyaanaamittetenni shoshshoggitinore kaaˈla, qoleno woloota Qullaawa Maxaafa xiinxallisanna albinni roore soqqama dandaanno.—w18.09, qoola 8-11.

Rosiisate Horoonsiˈneemmo Borruwa hiikkuriiti?

Jw.org egensiissanno kaardenna koyishshu woraqatta noonke. Danchu garinni qixxeessinoonniti sette tiraaktuwa, hattono Agarooshshu Shaenna Baqqi Yiiyye! yitanno metseettano noonke. Boode birosherubba, lame xiinxallote maxaaffa, hattono Qullaawa Maxaafa Xiinxalla Hasiissannohu Mayiraati? yitannotinna wole sase viidiyo noonke.—w18.10, qoola 16.

Lawishsha 23:23 jawaachishshanno garinni Kiristaanu ‘halaale afiˈra’ woy hidha dandaannohu hiittoonniiti?

Halaale rosate woxe dibaanteemmo. Ikkollana halaale afiˈrate yanna gaaˈmanna sharrama hasiissannonke.—w18.11, qoola 4.

Hoosei galtesi Gomeerira assino coyinni maa rosa dandiineemmo?

Gomeeri duucha higge foorturono, Hoosei isera gatona yee galtesi ikkite heedhanno gede assino. Mittu Kiristaanchira minaamasi woy minaannise fooriro, baddalaminohu gatona yaara dandaanno. Baddalamino minaanni woy minaama galtese ledo wirro siimu xaadooshshe assa agura hoogguro, baddalinose galtese gatona yitinota leellishshanno. Hakkuyi gedensaanni adhamansa diiganno gede assannori diheeˈranno.—w18.12, qoola 13.