AANIIDI QOOLIHA COYI UMO | QULLAAWA MAXAAFA XIINXALLA HASIꞌRATTO?
Duuchunkura Qixxaabbinota Qullaawu Maxaafi Xiinxallo Pirogiraame
Yihowa Farciꞌraasine mannu noowa fulte sabbakate egennantinoreeti. Ikkina alamete deerrinni manna Qullaawa Maxaafa xiinxallinseemmota afootto?
Niro 2014nni, 240 gobbara heedhannori 8,000,000 saꞌannori Yihowa Farciꞌraasine aganu aganunku 9,500,000 manna Qullaawa Maxaafa xiinxallissino. a Ee, ninke ledo Qullaawa Maxaafa xiinxallanni noo manni kiiro 140 gobbata dagate kiiro roortanno!
Yihowa Farciꞌraasine konni loosira diru dirunku mittenna darate biliyoone Qullaawa Maxaaffa, maxaaffa, metseettanna wole xiinxallote kaaꞌlitanno borro 700 meddi yaanno afiinni qixxeessitanno! Taalle nookkihu kuni attamate loosi, mannu Qullaawa Maxaafa doodhi afiinni xiinxallanno gede assino.
QULLAAWU MAXAAFI XIINXALLO PIROGIRAAMENKE DAAFIRA DUUCHU MANNI XAꞌMANNO XAꞌMONNA DAWARO
Xiinxallissinannihu ma garinniiti?
Addi addiha Qullaawu Maxaafiha coyi umo kayinse hatte hajo ledo xaado afidhinota Qullaawu Maxaafi xiqisubba xiinxallineemmo. Lawishshaho, Qullaawu Maxaafi aante noo xaꞌmuwara dawaro qolanno: Maganu ayeti? Maganu isi hiittooho? Isira suꞌmu noosi? Isi heeꞌrannohu hiikkooti? Ninke isiwa shiqa dandiineemmo? Tenne xaꞌmuwa dawaro Qullaawu Maxaafi giddo hiikko nooro afa shota diꞌꞌikkitino.
Mannu togoo xaꞌmuwara dawaro afiꞌranno gede kaaꞌlate, roore wote Qullaawu Maxaafi Addinta Mayyee Rosiisanno? yaanno maxaafa horoonsiꞌneemmo. b Kuni maxaafi qixxaawinohu mannu xinta ikkinoha Qullaawu Maxaafi roso huwatanno gede kaaꞌlateeti. Kuni maxaafi Maganu daafira, Yesuusi Kiristoosi daafira, mannu ooso qarri daafira, kaotenna huuccattote daafira hattono wole togoo hajore kulanno.
Xiinxallissinannihu mamooteetinna hiikkooti?
Xiinxallinseemmohu atera injiitannohe yannaranna baseraati.
Mageeshshi saate xiinxallinanni?
Batinyu manni Qullaawa Maxaafa xiinxallate lamalate kiiro mitte saate geeshsha gaaꞌmanno. Kayinni mannu mannu garinni yanna hakkiinni ajjara woy roortara dandiitanno. Xiinxallote saate ate pirogiraame garinni biddi assa dandiineemmo. Mitu manni lamalate kiiro 10 woy 15 daqiiqa xiinxallanno.
Xiinxallote mageeshshi woxe kaffallanni?
Xiinxalloteno borroteno woxe dikaffalatto. Tini hedo Yesuusi rosaanosira uyino biddishshi ledo sumuu yitannote: “Mulla adhitinoonninte gede, mulla uuyye.”—Maatewoosi 10:8.
Xiinxallo mageeshshi yanna giddo gooffanno?
Xiinxallo gooffanno yanna mannu mannu garinni babbaxxitanno. Qullaawu Maxaafi Addinta Mayyee Rosiisanno? yaanno maxaafi 19 fooliishsho afiꞌrino. Hasiꞌrittota woy baalanta fooliishsho ate ranke garinni xiinxallite guda dandaatto.
Xiinxallummoro Yihowa Farciꞌraasincho ikka hasiissannoe?
Deeꞌni. Mittu mittunku manchira ammananno coye doodhate qoosso noosita anfoommo daafira tenne qoossosi ayirrinseemmo. Ikkirono, xinta ikkitinota Qullaawu Maxaafi egenno afiꞌrino manchi, woyyannosire egennotenni doodha dandaanno.
Lede afa hasiꞌrummoro maa assa dandeemmo?
jw.org yinanni webisayite Yihowa Farciꞌraasine ammananna loosi daafira gara ikkitino mashalaqqe kultannohe.
Qullaawa Maxaafa xiinxalla hasiꞌrummoro ma asseemmo?
-
Interneetete www.pr418.com/sid aana noo forme wonshite soyi.
-
Qooxeessikkira noore Yihowa Farciꞌraasine shiqqe coyishiishi.
Kurino Lai
QULLAAWU MAXAAFI XAꞌMONNA DAWARO
Qullaawu Maxaafi Maateꞌya Hagiirru Noota Ikkitanno Gede Kaaꞌlannoe?
Qullaawu Maxaafi giddo noo amaale lowo miliyoone ikkanno mannira maatensa hagiirru noota ikkitanno gede kaaꞌlitino.
NINKE DAAFIRA
Qullaawa Maxaafa Xiinxallinseemmohu Hiittoonniiti?
Alamete doyichora, Yihowa Farciꞌraasine Qullaawa Maxaafa mulla xiinxallisatenni egennantinoreeti. Tenne assinannihu hiittoonniitiro lai.
NINKE DAAFIRA
Hasaawinseemmohe Gede Kuꞌli
Qullaawu Maxaafi xaꞌmo hasaawa, woy Yihowa Farciꞌraasine daafira ledde afa dandaatto.
NINKE DAAFIRA
Qullaawa Maxaafa Xiinxalla Hasiissannohu Mayiraati?
Alamete aana lowo miliyoone ikkanno manni huluullitannonsa xaꞌmora Qullaawu Maxaafinni dawaro afiꞌranni no. Atino xaꞌmokkira dawaro afiꞌra hasiꞌratto?
