Luqaasi Wongeella 3:1-38
3 Xibaariyoosi Qeesaari gashsha hanafihunni tonaaontikki diro, Phaanxiyoosi Philaaxoosi Yihudu gobba, Heeroodiisi* Galiilu qoqqowo, rodiisi Filiphoosi Ixuuriyunna Xiraakondoosi qoqqowo, Lisaaniyoosi Abilaani qoqqowo gashshe noo yannara,
2 hattono kakkalaanote roorrichi Haannanna kakkalaanote biili Qeyyaafa waro, Maganu qaali halalla noohu Zakkaariyaasi beetti Yohaannisiwa dayi.
3 Isi, Maganu cubbonsa gatona yaanno gede mannu maaro einota leellishate cuuamanno gede sabbakanni Yoordaanoosi qooxeessira noo gobba baala haꞌri;
4 hatto assinohu, masaalaanchu Isayyaasi maxaafira togo yine borreessinoonni garinniiti: “Mittu manchi halalla togo yaanni lallawanno: ‘Yihowa doogo qixxeesse! Dooggasino taashshe.
5 Xeichu baalu woꞌmo; ilaalunna tullo baala taalo darga ikkito; shokkitino doogga subbo; boonna bobboodda ikkitino dooggano taalto;
6 mannu baalu* Maganu gatisaanchimma laꞌꞌanno.’”
7 Konnira, Yohaannisi cuuamara isiwa daanno manna togo yii: “Kiꞌne buutete ooso, daanni noo hanqo xooqqinanni gede ayi qorowisiisiꞌne?
8 Xaate maaro eꞌinoonnita leellishanno guma laalle. ‘Anninke Abirihaamiiti’ yitine heddinoonte. Maganu tenne kinna mereerinni Abirihaamira ooso kayisa dandaannota kuleemmoꞌne.
9 Isinni, meesane haqqete hunda no. Konnira, dancha guma laaltannokki haqqicho baala karre giirate giddo tunganni.”
10 Mannuno, “Ma assa hasiissannonkeyya?” yee xaꞌmisi.
11 Isino togo yee qolinsa: “Lame uddano afiꞌrino manchi mitte hoogino manchira oona; itannore afiꞌrinohuno hatto assona.”
12 Qaraxaasine nafa cuuantara isiwa dagge, “Rosiisaancho, ninke ma assino?” yitusi.
13 Isino, “Qaraxo yinoonnihunni sayissine xaꞌmitinoonte”* yiinsa.
14 Olantono, “Ninke ma assino?” yite xaꞌmitusi. Isino, “Mitto manchono beebba assidhinoonte;* woy kaphunni kassassinoonte; baantanniꞌnerinni kassi yitine heedhe” yiinsa.
15 Hatte yannara mannu Kiristoosi agadhe noo daafira, insa baalunku Yohaannisi daafira wodaninsanni, “Kuni manchi Kiristoosiiti ikka?” yite heddu.
16 Yohaannisi insa baalunkura togo yee dawari: “Hige ani wayinni cuueemmoꞌne; ikkollana ane rooru daanni no; ani caammisi meqeerricho* nafa tirate diꞌꞌikkoommoho. Isi qullaawu ayyaaninninna giiratenni cuuannoꞌne.
17 Isi ayiddumme coꞌo asse feyaranna sinde gootaaraho worara woowancho* anga adhe no; kura kayinni xoꞌannokki giirara tuganno.”
18 Qoleno Yohaannisi wole duucha doogonni amaalanni, mannaho dancha duduwo kuli.
19 Ikkollana Galiilu gashshaanchi Heeroodiisi rodiisi minaama Heeroodiyaada adhinohuranna wole addi addiha busha coye assino daafira Yohaannisi iso boroorino;
20 hakko daafira, isi bunshete aana bunshe ledanni Yohaannisi usursiisi.
21 Mannu baalu cuuamanni heeꞌreenna, Yesuusino cuuami. Isi huuccatto assiꞌranni heeꞌreenna gordu faꞌnami;
22 qullaawu ayyaanino biso afiꞌrinori gede ikke, lembooli daninni aanasi dirri; hakkiinni gordunni, “Tashshi assattoehu baxeemmo Beettiꞌya ateeti” yitanno huuro daggu.
23 Yesuusi loososi hanafi yannara, 30 diri balla ikkannosi; mannu iso Yooseefi beettooti yee hedanno;Yooseefi Heeli beettooti;
24 Heeli Mataati beettooti;Mataati Leewi beettooti;Leewi Miiliki beettooti;Miiliki Yaana beettooti;Yaana Yooseefi beettooti;
25 Yooseefi Mataatiyu beettooti;Mataatiyu Amootsi beettooti;Amootsi Naahoomi beettooti;Naahoomi Eesili beettooti;Eesili Naage beettooti;
26 Naage Maꞌꞌaati beettooti;Maꞌꞌaati Mataatiyu beettooti;Mataatiyu Seemeyi beettooti;Seemeyi Yooseeki beettooti;Yooseeki Yooda beettooti;
27 Yooda Yoonaani beettooti;Yoonaani Reesi beettooti;Reesi Zerubaabeeli beettooti;Zerubaabeeli Salaatiyaali beettooti;Salaatiyaali Neeri beettooti;
28 Neeri Miiliki beettooti;Miiliki Haadi beettooti;Haadi Qosaami beettooti;Qosaami Elmodaami beettooti;Elmodaami Eeri beettooti;
29 Eeri Yesuusi* beettooti;Yesuusi Elieezeri beettooti;Elieezeri Yooriimi beettooti;Yooriimi Mataati beettooti;Mataati Leewi beettooti;
30 Leewi Siimiooni beettooti;Siimiooni Yihuda beettooti;Yihuda Yooseefi beettooti;Yooseefi Yonaami beettooti;Yonaami Eeliyaaqeemi beettooti;
31 Eeliyaaqeemi Meeliya beettooti;Meeliya Meena beettooti;Meena Maaxaata beettooti;Maaxaata Naataani beettooti;Naataani Daawiti beettooti;
32 Daawiti Isseyi beettooti;Isseyi Iyyoobeedi beettooti;Iyyoobeedi Booeezi beettooti;Booeezi Selmooni beettooti;Selmooni Neasooni beettooti;
33 Neasooni Aminaadaabi beettooti;Aminaadaabi Arnayi beettooti;Arnayi Esirooni beettooti;Esirooni Faareesi beettooti;Faareesi Yihuda beettooti;
34 Yihuda Yaaqoobi beettooti;Yaaqoobi Yisaaqi beettooti;Yisaaqi Abirihaami beettooti;Abirihaami Taara beettooti;Taara Naakoori beettooti;
35 Naakoori Seerohi beettooti;Seerohi Reu beettooti;Reu Faaleeqi beettooti;Faaleeqi Ebeeri beettooti;Ebeeri Seeloomi beettooti;
36 Seeloomi Qayinaani beettooti;Qayinaani Arfakisiidi beettooti;Arfakisiidi Seemi beettooti;Seemi Nohi beettooti;Nohi Laamehi beettooti;
37 Laamehi Matusaala beettooti;Matusaala Heenooki beettooti;Heenooki Yaareedi beettooti;Yaareedi Melaalieeli beettooti;Melaalieeli Qayinaani beettooti;
38 Qayinaani Heenoosi beettooti;Heenoosi Seeti beettooti;Seeti Addaami beettooti;Addaami Maganu beettooti.
Lekkaalliidi Qaagiishshuwa
^ Heeroodiisi Antiphaasiiti.
^ Noo gedeenni tirriro, “maalu baalu.”
^ Woy “gamba assitinoonte.”
^ Woy “Manni woxe wolqatenni adhitinoonte.”
^ Woy “maasara.”
^ Gide kurunni badate horoonsiꞌnanni uduunnichooti.
^ Mite hundi borro, “Yoose” yitanno.
