Maatewoosi Wongeella 17:1-27
17 Yesuusi lewu barri gedensaanni, Pheexiroosi, Yaaqoobinna Yaaqoobi rodoo Yohaannisi calla haaˈre mitto seeda ilaala fuli.
2 Hakkiinni albansaanni danisi soorrame wole ikki; albisi arrishshote gede xawi; uddanosino caabbichu gede waraˈa yitu.*
3 Hatte yannara Musenna Eeliyaasi leeltunsa; insa Yesuusi ledo hasaabbanni no.
4 Hakkiinni Pheexiroosi Yesuusa togo yii: “Mooticha, kowiicho heeˈra ninkera danchate. Hasiˈrattoha ikkiro mitto atera, mitto Musera, mitto Eeliyaasira sase dunkaana qaseemmo.”
5 Pheexiroosi coyiˈranni heeˈreenna xawanno gomichi guggushshinsa; gomichu giddonni togo yitanno huuro daggu: “Tashshi assannoehu baxeemmo Beettiˈya konneeti. Isi yaannota macciishshe.”
6 Rosaanosi tenne macciishshituti lowo geeshsha masse gombisante ubbu.
7 Hakkiinni Yesuusi insawa shiqqi yee amammade, “Kaˈe. Waajjitinoonte” yiinsa.
8 Insano gotti yite laˈanno woyite Yesuusa agurranna wolu dino.
9 Ilaalunni dirritanni heedheenna Yesuusi togo yee hajajinsa: “Manchi Beetti reyotenni kaˈˈa geeshsha tenne ajuuja mittohono kultinoonte.”
10 Ikkollana rosaanosi, “Seeru rosiisaano, balaxe Eeliyaasi daa hasiissannosi yitannohu mayiraatiyya?” yite xaˈmitusi.
11 Isino togo yee qolinsa: “Garaho Eeliyaasi daye baalankare albiwa qolanno.
12 Ani kayinni yeemmoˈnena, Eeliyaasi daate woyite dayino; insa kayinni baxxuta assidhinosi ikkinnina diaffinosi. Konni garinni manchi Beettino insa anga qarramanno.”
13 Hakkiinni rosaanosi isi coyiˈranni noohu Cuuaanchu Yohaannisi daafira ikkinota huwattu.
14 Mannunniwa dagguta mittu manchi Yesuusiwa shiqqi yee guluphe togo yii:
15 “Mooticha, beettoˈya mararisi;* isira hawwunaatu noosi daafira buuto dhiwame no. Mito woyite giirate giddo mito woyite wayi giddo uwanno.
16 Rosaanokkiwa abboommona insa kayinni hursa didandiitino.”
17 Yesuusi togo yee qoli: “Ammana nooˈnekkirinna shokkashsho ilama, kiˈne ledo mageeshshi geeshsha keeshsha hasiissaeraati? Kiˈne cince heeˈreemmohu mageeshshi geeshshaati? Hanni beetto anewa abbe.”
18 Hakkiinni Yesuusi agaaninte ufi; agaaninteno beettu giddonni fultu; beettuno hakkawoyitenni huri.
19 Hakkunni gedensaanni rosaanosi calluwinsa Yesuusiwa dagge “Ninke fushsha dandiinoommokkihu mayiraati?” yite xaˈmitu.
20 Isino togo yiinsa: “Ammana xeˈinoˈne daafiraati. Halaale yeemmoˈnena, lenteetu* gumi geeshshi ammana heedhuˈnero, konne ilaala ‘Kawiinni kaˈe kaˈa haˈri’ yitiniro haˈranno; dandiitinannikkiri mitturino diheeˈranno.”
21 ——*
22 Galiilaho gamba yite heedheenna Yesuusi togo yiinsa: “Manchi Beetto mannu angara sayinse uyinanni;
23 insano shitannosi; isino sayikki barra kaˈˈanno.” Konnira rosaanosi lowo geeshsha dadillitu.
24 Qifirinaahoomi iillituhu gedensaanni, qullaawu mini giwire* gamba assitannori Pheexiroosiwa shiqqi yite togo yitu: “Rosiisaanchiˈne qullaawu mini giwire diaanno?”
25 Isino, “Aanno” yiinsa. Ikkollana minira eita Yesuusi balaxe togo yiisi: “Simooni atera ma lawannohe? Uullate mootoolla qaraxo woy giwire adhitannohu ayeoowiinniiti? Oosonsawiinniitinso wolu manniwiinniiti?”
26 Isi “Wolu manniwiinniiti” yiita, Yesuusi togo yiisi: “Hatto ikkiro oosonsa giwire baaxxa dihasiissannonsa.
27 Ikkirono guficho ikkineemmonsakki gede, baara hadhe woshshaado tugi; hakkiinni umo amadatto qulxuˈmicho afoo fanatto woyite, birru saante* afatto. Hatte saante haadhe aneranna atera baati.”
Lekkaalliidi Qaagiishshuwa
^ Woy “waajjo qoffe ikkitu.”
^ Woy “maarisi.”
^ Woy “sanaaficete.”
^ Tini kiiro mite Qullaawu Maxaafi tirora nooha ikkirono, angatenni galchinoonnite hundite qara qara Giriikete Afii borrora dinoote.
^ Noo gedeenni tirriro, “lame diraakima.”
^ Noo gedeenni tirriro, “istaateri saante.” Tetiradiraakimaho yine hendanni.
