Qullaawaho yaa battetewiinni keeraaꞌminoho woy baxxinoho yaate. “Qullaawa” yine tirroonnihu Ibiraawootu Afii qaali “addiha” yitanno tiro afiꞌrino qaali butukooti. Konni daafira, qullaawu coyi xalalanna keeraancho ikkino daafira kaꞌnirira horoonsiꞌnanni coyiwiinni baxxinoho woy addiho yaate.

 Qullaambete taalle nookkihu Maganoho. Qullaawu Maxaafi, “Kaaliiqa, [“Yihowa,” Haaro Alame Tiro] ate gedeehu qullaawu . . . dino” yaanno. a (1 Saamueeli 2:2) Konni daafira, qullaawa ikkino coyi daafira seera fushshate qoosso noosihu Maganoho.

 Maganu ledo xaadooshshe afiꞌrino coye baalanka, roorenkanni iso magansiꞌrate bandoonni coye “qullaawaho” yaa dandiinanni. Lawishshaho, Qullaawu Maxaafi konni woroonni noore qullaawa coyibba kulanno:

•   Qullaawa darga: Maganu buwanno citi mule Musera togo yiino: “Uurrootto dargi [qullaawaho].”—Fulo 3:2-5.

•   Qullaawa gambooshshe: Hundi Israeele yannate kiiro Yihowa magansiꞌrate “qullaawa xaado” assidhanno.—Leewaawoota 23:37.

•   Qullaawa uduunne: Hunda Yerusaalamete Qullaawa Mine Magano magansiꞌrate horoonsiꞌnanni uduunne “qullaawa uduunne” yinoonni. (1 Mootoolla 8:4) Israeele konne qullaawa uduunne horonta magansiꞌra hasiissannonsakkiha ikkirono, qorowe ayirrinyunni amada hasiissannonsa. b

 Ee, dandaanno. Maganu Kiristaana, “Ani qullaawa ikkoommonte gede, kiꞌneno qullaawoota ikke!” yee hajajino. (1 Pheexiroosi 1:16) Hige guuta ikkinokki manni qullaawa Maganu seera woꞌmunni woꞌma wonshe diafanno. Ikkirono, xalala Maganu seera wonshanno manni ‘Magano hagiirsiisanna qullaawa’ ikke kiirama dandaanno. (Roomu Sokka 12:1) Qullaawa ikka hasiꞌranno manchi coyiꞌranno coyinninna assootisinni qullaawa ikkate sharramanno. Lawishshaho, togoo manchi ‘qullaawoota ikkineemmo gedenna foorretewiinni xeertiꞌneemmo gede’ hattono “heeshshoꞌne baalatenni qullaawoota ikke” yee Qullaawu Maxaafi aannonke amaale harunsanno.—1 Teselonqe 4:3; 1 Pheexiroosi 1:15.

 Ee. Mittu manchi Maganunniha amanyootu seera facci asse aguriha ikkiro, hakku manchi xaate Maganu albaanni qullaawa diꞌꞌikkino. Lawishshaho, Ibiraawootu maxaafa borreessinoonnihu ‘qullaawu manniraati’; ikkirono insa “heeshshote Maganiwiinni badannohu bushunna ammanannokki wodani [heeꞌrannonsakki] gede” qorophitara amaalloonni.—Ibiraawoota 3:1, 12.

 Soꞌrote hedo: Adhaminokki manni roore qullaawaho.

 Halaale: Mittu Kiristaanchi hasiꞌriro adhamikki heeꞌra dandaannoha ikkirono, adhaminokki daafira calla Maganu albaanni qullaawa ikkanno yaa diꞌꞌikkino. Seenne adhinokkihu woy mine assiꞌrinokki manni hedonsa billaallitukki Maganoho soqqama dandaannoti egennantinote. (1 Qorontoosi 7:32-34) Ikkollana, adhantinorino qullaawoota ikka dandiitannota Qullaawu Maxaafi buuxisanno. Yesuusi soqqamaasine giddo ajayi ajeenna mittu seenne adhinoho; hakkuno Pheexiroosiiti.—Maatewoosi 8:14; 1 Qorontoosi 9:5.