Quuxxote qarri yannara, mannu ooso konni albaanni horo amade egenninokki qarri amadanno. Qullaawu Maxaafi masaalo garinni, kuni qarri daannohu “goofimarchu barra,” woy ‘kalqete goofimarchiraati.’ (2 Ximootewoosi 3:1; Daanieeli 12:4) Hatte yannara, “Maganu kalaqino kalaqaminni kayise hatte yanna geeshsha daye egenninokkihu, layinkimeeshshono daannokki qarri daanno.”​—Maarqoosi 13:19; Daanieeli 12:1; Maatewoosi 24:21, 22.

Quuxxote qarri yannara ikkannore

•   Kaphu ammaꞌno baꞌanno. Kaphu ammaꞌno dhagge ikkanno garinni rakke baꞌanno. (Yohaannisi Ajuuja 17:​1, 5; 18:​9, 10, 21) Buusantino (Halantino) Mangistubba wido ikkinohu poletiku gashshooti kaphu ammaꞌno hune Maganu hedo woꞌmitanno gede assanno.​—Yohaannisi Ajuuja 17:​3, 15-​18. a

•   Addu ammaꞌno sia. Buusantino daga (Hiziqeeli ajuujara ‘Maagoogi baattora heeꞌranno Googi’ yinoonni), addu ammaꞌno harunsitannore hunate kaꞌanno. Ikkollana, Maganu magansidhannosire baotenni gatisannonsa.​—Hiziqeeli 38:​1, 2, 9-​12, 18-​23.

•   Uullate aana heedhannorira yoo yaa. Yesuusi mannu ooso baalate yoo yaanno; qoleno “allaalaanchu geꞌreewo meuwiinni badannonte gede, isino manna lame gaamo asse badanno.” (Maatewoosi 25:31-​33) Isi yoo yaannohu, mittu mittunku manchi ‘roduuwasi’ kaaꞌlinoronna kaaꞌlinokkiro laeeti; ‘roduuwasi’ yiniri isi ledo gordoho mookkannoreeti.​—Maatewoosi 25:34-​46.

•   Maganu Gashshootira mookkannore gamba assa. Kiristoosi ledo moohara dooraminohu ammanamino Kiristaani uulla heeshshonsa gude reyotenni kae gordo haꞌranno.​—Maatewoosi 24:31; 1 Qorontoosi 15:50-​53; 1 Teselonqe 4:​15-​17.

•   Armagedooni. Konne ‘Woꞌmanka Dandaanno Maganiha batiꞌru barri ola’ ‘Kaaliiqi barrano’ yinoonni. (Yohaannisi Ajuuja 16:14, 16; Isayaasi 13:9; 2 Pheexiroosi 3:​12) Kiristoosi baote yoo yaannonsari baꞌanno. (Soffooniyaasi 1:​18; 2 Teselonqe 1:​6-​10) Hatte yannara, alame woꞌmate noohu poletiku gashshootino baꞌꞌanno; konne gashshoote Qullaawu Maxaafi giddo lamala umo afiꞌrino moyicho yine xawinsoonni.​—Yohaannisi Ajuuja 19:19-​21.

Quuxxote qarri gedensaanni ikkannore

•   Sheexaanenna durriissa (agaaninte) usurranni. Mittu wolqaataamu sokkaasinchi Sheexaanenna durriissa “diimete giddo” tuganno; hatti diime Sheexaanunna durriissa reeshshu gede ikkite, milli miqqi yitukki heedhanno baseeti. (Yohaannisi Ajuuja 20:1-3) Sheexaanu diimete giddo heeꞌranno yanna usuru mine noohu gedeeti; hakko daafira, wolewa assinannire daafa didandaanno.​—Yohaannisi Ajuuja 20:7.

•   Kumu Diri Gashshooti hanafanno. Maganu Gashshootihu 1,000 diri hanafanno; hatte yannara mannu ooso lowo atootenna adinye afidhanno. (Yohaannisi Ajuuja 5:​9, 10; 20:​4, 6) Kiironsa bande kulloonnikkihu ‘lowo manni’ quuxxote qarra lulluqqe sae, uullate aana Kumu Diri Gashshooti hanafanna laꞌꞌanno.​—Yohaannisi Ajuuja 7:​9, 14; Faarso 37:​9-​11.