“Sioole” woy “Heedisi” yinannihu mannu giiramanno bayicho ikkikkinni waammate. Sioole eannohu hiittoo mannaati? Danchu mannino bushuno sioole eanno. (Iyyoobi 14:13; Faarso 9:17) Qullaawu Maxaafi sioole woy waamma “mannu baalu marannowa” ikkitinota kulanno.—Iyyoobi 30:23.

 Yesuusi nafa reyi yannara sioole eino. Ikkollana Maganu iso reyotenni kayisinosi daafira, isi “sioolete giddo digatino.”—Soqqamaasinete Looso 2:31, 32, Haaro Alame Tiro.

Sioole hegerera heedhanno?

 Yesuusi, Maganu uyinosi wolqanni sioole eꞌannori baalunku hakkiinni fulte heeshsho afidhanno gede assanno. (Yohaannisi 5:28, 29; Soqqamaasinete Looso 24:15) Yohaannisi Ajuuja 20:13 tenne albillitte heedhanno kao kultanni togo yitanno: “Reyonna jennaatuno [“siooleno,” Haaro Alame Tiro] giddonsa nooha reyino manna uyi.” Sioolete giddo noo manni baalunku reyotenni kaꞌꞌanno woyite, sioole diheedhanno; qoleno “reyo . . . kunni kaꞌa [heedhannokki]” daafira hakkunni gedensaanni sioole eannohu diheeꞌranno.—Yohaannisi Ajuuja 21:3, 4; 20:14.

 Ikkollana, reyanno manni baalunku sioole eanno yaa diꞌꞌikkino. Mitu manni cubbo loose kae aagintaawa woy maaro ea hasiꞌrannokkita Qullaawu Maxaafi kulanno. (Ibiraawoota 10:26, 27) Togoo manni reyanno woyite sioole ikkikkinni Gaannaame eanno; Gaannaame hegere baora lawishshaho. (Maatewoosi 5:29, 30) Lawishshaho, Yesuusi isi diro noori lawisiisaano ammaꞌnote murrooti Gaannaame eꞌannota coyiꞌrino.—Maatewoosi 23:27-33.