Qullaawu Maxaafi giddo, Kiristoosi albillitte uullate aana noo mannira yoo yaara daannota kulannohu batinyu qummeeshshi no. a Lawishshaho, Maatewoosi 25:31-33 togo yitanno:

 “Manchi Beetti [Yesuusi Kiristoosi] sokkaasine baalatenni dukkisame ayirrinyunni daye ayirrinyu barcimira ofollanno. Gosa baala albasiinni gamba yitanno. Allaalaanchu geꞌreewo meuwiinni badannonte gede, isino gosa kawanna kaꞌa badanno. Geꞌreewo qiniiteenni, meꞌꞌe guraanni uurrisanno.”

 Tini yoote yanna, albillitte daannohu horonta ikke egenninokkihu “lowo qarri” yanna ledo mittete. Konni qarrira jeefote Armagedooni oli kaꞌꞌanno. (Maatewoosi 24:21; Yohaannisi Ajuuja 16:16) Kiristoosi lawishshunni kuli mei, yaano diinnasi “hegere qoricha adhitanno.” (2 Teselonqe 1:9; Yohaannisi Ajuuja 19:11, 15) Geꞌreewoho yinoonniri ammanantino soqqamaasinesira kayinni “hegere heeshsho” afiꞌrate faro faꞌnantannonsa.—Maatewoosi 25:46.

Kiristoosi daannohu mamarooti?

 Yesuusi togo yiino: “Hakkonne barranna hattenne saate . . . afinohu dino.” (Maatewoosi 24:36, 42; 25:13) Ikkirono, Yesuusi isi daara albaanni heedhanno yanna bande anfeemmo gede kaaꞌlannonkeha addi addi coye mitteenni amadino ‘malaate’ kulino.—Maatewoosi 24:3, 7-14; Luqaasi 21:10, 11.

Kiristoosi daannohu ayyaanunniitinso, maalunniiti?

 Yesuusi reyotenni kainohu ayyaanu biso uddiꞌreeti; hakko daafira, albillitte daannohu maalunni ikkikkinni ayyaanu biso uddiꞌreeti. (1 Qorontoosi 15:45; 1 Pheexiroosi 3:18) Yesuusi reyara albaanni noo barra soqqamaasinesira, “Shiima yanna gedensaanni tini gobba [alame] diaffannoe” yiinohu iseraati.—Yohaannisi 14:19.

Kiristoosi daa lainohunni mannu hedannota soꞌrote hedo